മുംബൈ: ഹരിയാനയിൽ മൂന്നാമത്തെ പ്ലാന്റ് സ്ഥാപിക്കാൻ മാരുതി സുസുക്കി തീരുമാനിച്ചു. പുതിയ പ്ലാന്റിന്റെ വരവോടെ പ്രതിവർഷം 2.5 ലക്ഷം വാഹനങ്ങൾ അധികമായി പുറത്തിറക്കാൻ സാധിക്കുമെന്നാണ് കമ്പനി കണക്കുകൂട്ടുന്നത്.
സംസ്ഥാനത്തെ ഖാർഖോഡയിൽ നിലവിലുള്ള പ്ലാന്റിൽ നിന്ന് പ്രതിവർഷം 2.5 ലക്ഷം കാറുകൾ പുറത്തിറങ്ങുന്നുണ്ട്. ഇവിടെത്തന്നെയാണ് പുതിയ പ്ലാന്റും ഒരുങ്ങുന്നത്. ഇതിനായി 7,410 കോടി രൂപ ചെലവാകുമെന്നാണ് കരുതപ്പെടുന്നത്.
കഴിഞ്ഞ വർഷം 20 ലക്ഷം വാഹനങ്ങൾ നിർമിച്ച് മാരുകി സുസുക്കി ചരിത്രം കുറിച്ചിരുന്നു.
