പ്രതീക്ഷ നിറവേറ്റാനാകാതെ റാഡിക്കോ ഖെയ്ത്താന്‍ രണ്ടാം പാദ ഫലങ്ങള്‍

ന്യൂഡല്‍ഹി: സെപ്തംബര്‍ പാദ അറ്റാദായം വാര്‍ഷികാടിസ്ഥാനത്തില്‍ 25 ശതമാനം കുറഞ്ഞതിനെ തുടര്‍ന്ന് റാഡിക്കോ ഖെയ്ത്താന്‍ ഓഹരി ചൊവ്വാഴ്ച തിരിച്ചടി നേരിട്ടു.

അര ശതമാനം താഴ്ന്ന് 978.35 രൂപയിലാണ് സ്റ്റോക്ക് ക്ലോസ് ചെയ്തത്. 51.82 കോടി രൂപയാണ് കമ്പനിയോടെ മൊത്ത അറ്റാദായം.

മുന്‍വര്‍ഷത്തെ സമാന പാദത്തില്‍ ഇത് 69.20 കോടി രൂപയായിരുന്നു. വരുമാനം 8.6 ശതമാനം ഉയര്‍ത്തി 761.4 കോടി രൂപയാക്കാനായെങ്കിലും പ്രതീക്ഷിച്ച നിലവാരത്തിലെത്തിയില്ല. 800 കോടി രൂപയായിരുന്നു പ്രതീക്ഷിക്കപ്പെട്ട വരുമാനം.

ഇബിറ്റ 19.3 ശതമാനം താഴ്ന്ന് 90 കോടി രൂപയായി. 102 കോടി രൂപയാണ് പ്രതീക്ഷിച്ചിരുന്നത്. ഇബിറ്റ മാര്‍ജിന്‍ 400 ശതമാനവും മൊത്തം മാര്‍ജിന്‍ 300 ബേസിസ് പോയിന്റും ഇടിവ് നേരിട്ടു. പ്രമുഖ ബ്രാന്‍ഡായ പ്രസ്റ്റീജിന്റേയും മറ്റ് സെഗ്മന്റുകളുടേയും അളവ് 22 ശതമാനം ഉയര്‍ത്തി 2.33 മില്യണ്‍ കെയ്‌സസാക്കാന്‍ കമ്പനിയ്ക്കായിട്ടുണ്ട്.