മെസ്സേജിംഗ് ആപ്പായ വാട്സാപ്പിനെ ഇനി ഇന്ത്യക്കാരൻ നയിക്കും. പേമെന്റ് ആപ്പായ ക്രെഡ് സ്ഥാപകൻ കുനാല് ഷായെ വാട്സാപ്പിന്റെ പുതിയ സിഇഒ ആയി നിയമിച്ചതായി വാട്സാപ്പിന്റെ മാതൃ കമ്പനിയായ മെറ്റ സ്ഥിരീകരിച്ചു. നിലവില് വാട്സാപ്പിന്റെ സിഇഒ ആയ വില് കാത്ത്കാര്ട്ട് മെറ്റയിലെ മറ്റൊരു സ്ഥാനത്തേക്ക് മാറുമെന്നാണ് വിവരം. 2019 മുതല് വാട്സാപ്പിന്റെ സിഇഒ ആയി പ്രവര്ത്തിക്കുകയായിരുന്നു അദ്ദേഹം.
ലോകമെമ്പാടുമായി 300 കോടിയിലധികം ഉപയോക്താക്കളാണ് വാട്സാപ്പിനുള്ളത്. പേയ്മെന്റ്സ്, ബിസിനസ് മെസേജിങ്, എഐ അധിഷ്ഠിത ഫീച്ചറുകൾ തുടങ്ങി പുതിയ മേഖലകളിലേക്ക് വാട്സാപ്പ് കടക്കുന്ന ഘട്ടത്തിലാണ് നേതൃമാറ്റം. ഷാ തലപ്പത്തെത്തുന്നത് വാട്സാപ്പിൽ വലിയ മാറ്റങ്ങളുണ്ടാകാൻ സഹായിക്കുമെന്ന് കമ്പനി വിലയിരുത്തുന്നു.
