വിദേശ നിക്ഷേപക സ്ഥാപനങ്ങള്ക്ക് ഗണ്യമായ ഓഹരി പങ്കാളിത്തമുള്ള കമ്പനികള് പൊതുവെ അടിസ്ഥാപരമായ മികവ് പുലര്ത്തുന്നവയാണ്. അതുകൊണ്ടു തന്നെ വിദേശ നിക്ഷേപക സ്ഥാപനങ്ങളുടെ വിപണിയിലെ ഇടപാടുകള് നിരീക്ഷിക്കുന്നത് ഒരു ഓഹരി നിക്ഷേപകന് ഗുണകരമാകും.
നവംബറില് വിദേശ നിക്ഷേപക സ്ഥാപനങ്ങള് 36,239 കോടി രൂപയാണ് ഇന്ത്യന് ഓഹരി വിപണിയില് നിക്ഷേപിച്ചത്. കഴിഞ്ഞ മാസം വിപണിയിലെ കാളകളുടെ റോളിലായിരുന്നു വിദേശ നിക്ഷേപക സ്ഥാപനങ്ങള്.
കഴിഞ്ഞ മാസം വിദേശ നിക്ഷേപക സ്ഥാപനങ്ങള് 30,682 കോടി രൂപയും നിക്ഷേപിച്ചത് ധനകാര്യം, എഫ്എംസിജി, ഓയില് & ഗ്യാസ്, ഐടി, കണ്സ്യൂമര് സര്വീസസ്, ഓട്ടോ എന്നീ മേഖലകളിലാണ്.
ഇതില് ഏറ്റവും കൂടുതല് നിക്ഷേപം നടത്തിയത് ധനകാര്യ സേവന മേഖലയിലാണ്. 14,205 കോടി രൂപയാണ് ഈ മേഖലയില് നിക്ഷേപിച്ചത്.
എഫ്എംസിജി മേഖലയില് 3956 കോടി രൂപ നിക്ഷേപിച്ചപ്പോള് ഓയില്&ഗ്യാസ്- 2774 കോടി, ഐടി-3859 കോടി, കണ്സ്യൂമര് സര്വീസ്- 2837 കോടി, ഓട്ടോ- 3051 കോടി എന്നിങ്ങനെയാണ് നിക്ഷേപം.
അതേ സമയം കണ്സ്യൂമര് ഡ്യൂറബ്ള്സ്, ടെലികോം, പവര് എന്നീ മേഖലകളില് വിദേശ നിക്ഷേപക സ്ഥാപനങ്ങള് അറ്റവില്പ്പന നടത്തി.
