ഡൽഹി: ഒരു നോൺ-ലിങ്ക്ഡ് നോൺ-പാർട്ടിസിപ്പേറ്റിംഗ് വ്യക്തിഗത സേവിംഗ്സ് ലൈഫ് ഇൻഷുറൻസ് പ്ലാനായ ഗ്യാരണ്ടീഡ് വൺ പേ അഡ്വാൻറ്റേജ് പ്ലാൻ അവതരിപ്പിച്ച് കാനറ എച്ച്എസ്ബിസി ലൈഫ് ഇൻഷുറൻസ്. സിംഗിൾ ലൈഫ്, ജോയിന്റ് ലൈഫ് എന്നീ രണ്ട് കവറേജ് ഓപ്ഷനുകൾ ഈ ഉൽപ്പന്നം വാഗ്ദാനം ചെയ്യുന്നു. ജീവിതത്തിൽ അസാധാരണമായ സാഹചര്യമുണ്ടായാൽ, ഇതിന് കീഴിൽ ഒരു ഉപഭോക്താവിന് വായ്പാ സൗകര്യം തിരഞ്ഞെടുക്കാം. ഉറപ്പായ വരുമാനമുള്ള ഈ ഉൽപ്പന്നം ദീർഘകാലാടിസ്ഥാനത്തിൽ സമ്പത്ത് സൃഷ്ടിക്കുന്നതിനൊപ്പം ജീവിതത്തിലെ പ്രധാനപ്പെട്ട സാമ്പത്തിക ലക്ഷ്യങ്ങൾ കൈവരിക്കുന്നതിന് ഉപഭോക്താവിനെ തീർച്ചയായും സഹായിക്കുമെന്ന് സ്ഥാപനം പറഞ്ഞു.
പുതിയ ഉൽപ്പന്നം പോളിസി കാലയളവിലുടനീളം കുടുംബത്തിന് സാമ്പത്തിക പരിരക്ഷ ഉറപ്പാക്കുകയും മെച്യൂരിറ്റി ആനുകൂല്യങ്ങൾ ഉറപ്പ് നൽകുകയും ചെയ്യുന്നു. ഒറ്റത്തവണ പ്രശ്നരഹിതമായ സമ്പാദ്യങ്ങൾക്കായി തിരയുന്ന ഉപഭോക്താക്കൾക്ക് ഗ്യാരണ്ടീഡ് വൺ-പേ ആനുകൂല്യം തിരഞ്ഞെടുക്കാമെന്നും, ഈ ഉൽപ്പന്നം ഇൻഷ്വർ ചെയ്തയാൾക്കോ കുടുംബത്തിനോ ലൈഫ് കവറേജും ഗ്യാരണ്ടീഡ് മെച്യൂരിറ്റി ആനുകൂല്യങ്ങളും വാഗ്ദാനം ചെയ്യുന്നതായും കമ്പനി പറഞ്ഞു.
