മുംബൈ: ടാറ്റ നിഫ്റ്റി മിഡ്‌ക്യാപ് 150 മൊമെന്റം 50 ഇൻഡക്‌സ് ഫണ്ട് പുറത്തിറക്കി ടാറ്റ മ്യൂച്വൽ ഫണ്ട്. നിഫ്റ്റി മിഡ്‌ക്യാപ് 150 മൊമെന്റം 50 ഇൻഡക്‌സ് സൂചികയെ ട്രാക്ക് ചെയ്യുന്ന ഒരു ഓപ്പൺ-എൻഡ് സ്കീമാണിത്. ഇതിനായുള്ള പുതിയ ഫണ്ട് ഓഫർ (NFO) നിലവിൽ സബ്സ്ക്രിപ്ഷനായി തുറന്നിരിക്കുകയാണ്. ഇത് ഒക്ടോബർ 17 ന് അടയ്ക്കും.
ഈ ഫണ്ട് അതിന്റെ 95 ശതമാനവും നിഫ്റ്റി മിഡ്‌ക്യാപ് 150 മൊമെന്റം 50 ഇൻഡക്‌സ് സൂചികയിലെ സെക്യൂരിറ്റികളിൽ നിക്ഷേപിക്കും. ശേഷിക്കുന്ന 5% ഡെറ്റ്, മണി മാർക്കറ്റ് ഉപകരണങ്ങൾ എന്നിവയിലായിരിക്കും നിക്ഷേപിക്കുക.
നിശ്ചിത കാലയളവിലെ സ്റ്റോക്കിന്റെ മുൻകാല വില പ്രകടനത്തെ മൊമെന്റം സ്ട്രാറ്റജി കണക്കിലെടുക്കുന്നു. ഈ ഓഫർ ദീർഘകാല ഇക്വിറ്റി നിക്ഷേപകർക്ക് അനുയോജ്യമാണെന്ന് ടാറ്റ അസറ്റ് മാനേജ്മെന്റ് പ്രസ്താവനയിൽ പറഞ്ഞു. ഇത് അലോട്ട്മെന്റ് തീയതി മുതൽ 90 ദിവസത്തിനോ അതിനുമുമ്പോ റിഡീം ചെയ്താൽ 0.25% എക്സിറ്റ് ലോഡ് നൽകേണ്ടി വരും.
ടാറ്റ നിഫ്റ്റി മിഡ്‌ക്യാപ് 150 മൊമെന്റം 50 ഇൻഡക്‌സ് ഫണ്ടിനായുള്ള ഏറ്റവും കുറഞ്ഞ സബ്‌സ്‌ക്രിപ്‌ഷൻ തുക ഓരോ ആപ്ലിക്കേഷനും 5,000 രൂപയാണ്.
