മുംബൈ: ക്വാണ്ടം നിഫ്റ്റി 50 എക്‌സ്‌ചേഞ്ച് ട്രേഡഡ് ഫണ്ടിന്റെ യൂണിറ്റുകളിൽ നിക്ഷേപിക്കുന്ന ഓപ്പൺ-എൻഡ് ഫണ്ട് ഓഫ് ഫണ്ട് (എഫ്ഒഎഫ്) സ്കീമായ ക്വാണ്ടം നിഫ്റ്റി 50 ഇടിഎഫ് ഫണ്ട് (എഫ്ഒഎഫ്) സമാരംഭിച്ച്‌ ക്വാണ്ടം മ്യൂച്വൽ ഫണ്ട്സ്. ഇത് ഇന്ത്യയുടെ ആദ്യ നിഫ്റ്റി 50 എഫ്ഒഎഫ് ആണ്. പുതിയ ഫണ്ട് ഓഫർ 2022 ജൂലൈ 18-ന് ആരംഭിക്കുകയും 2022 ഓഗസ്റ്റ് 1-ന് അവസാനിക്കുകയും ചെയ്യും. 2022 ഓഗസ്റ്റ് 10 മുതൽ തുടർച്ചയായി സബ്‌സ്‌ക്രിപ്‌ഷനും വീണ്ടെടുക്കലിനുമായി സ്‌കീം വീണ്ടും തുറക്കും. സ്‌കീം നിഫ്റ്റി 50- റിട്ടേൺ സൂചികയെ മാനദണ്ഡമായി കണക്കാക്കും. ക്വാണ്ടം നിഫ്റ്റി 50 ഇടിഎഫിന് 14 വർഷത്തെ ട്രാക്ക് റെക്കോർഡ് ഉണ്ട്. 2008 ജൂലൈ 10-ന് ആരംഭിച്ചത് മുതൽ ഹിതേന്ദ്ര പരേഖാണ് ഇതിന്റെ ഫണ്ട് മാനേജർ.
ക്വാണ്ടം നിഫ്റ്റി 50 ഇടിഎഫ് എഫ്ഒഎഫിന് നേരിട്ടുള്ള പ്ലാനിന് ഏകദേശം 15 ബേസിസ് പോയിന്റും സാധാരണ പ്ലാനിന് ഏകദേശം 27 ബേസിസ് പോയിന്റും ചെലവ് അനുപാതം ഉണ്ടായിരിക്കും. കൂടാതെ ഈ ചെലവ് അനുപാതം നിലവിലുള്ള നിഫ്റ്റി 50 ഇൻഡക്സ് ഫണ്ടുകളുടെ ചെലവ് അനുപാത ശ്രേണിയുടെ താഴ്ന്ന അറ്റത്താണ്.
