ജമ്മു & കശ്മീരിലെ ലിഥിയം ഖനനത്തിനുള്ള ലേലത്തിൽ ഒരു കമ്പനി പോലും പങ്കെടുത്തില്ലരാജ്യത്തെ 83 ശതമാനം യുവാക്കളും തൊഴില് രഹിതരെന്ന് റിപ്പോര്ട്ട്ഇന്ത്യയുടെ കറന്റ് അക്കൗണ്ട് കമ്മി കുറയുന്നുവെനസ്വേലയിൽ നിന്ന് ക്രൂഡ് ഓയിൽ വാങ്ങുന്നത് നിർത്തി ഇന്ത്യകിൻഫ്ര പെട്രോകെമിക്കൽ പാർക്കിൽ ഇതുവരെ 227.77 കോടിയുടെ നിക്ഷേപം

സ്ഥിര നിക്ഷേപങ്ങളുടെ പലിശ നിരക്ക് ഉയർത്തി കൊട്ടക് മഹീന്ദ്ര ബാങ്ക്

മുംബൈ: 2 കോടി രൂപയിൽ താഴെയുള്ള സ്ഥിരനിക്ഷേപങ്ങളുടെ പലിശ നിരക്ക് ഉയർത്തി സ്വകാര്യമേഖല ബാങ്കായ കൊട്ടക് മഹീന്ദ്ര ബാങ്ക്. പുതിയ നിരക്കുകൾ 2022 സെപ്റ്റംബർ 1 മുതൽ പ്രാബല്യത്തിൽ വന്നു. പരിഷ്‌ക്കരണത്തിന്റെ ഫലമായി 390 ദിവസം മുതൽ 10 വർഷം വരെ കാലാവധിയുള്ള സ്ഥിരനിക്ഷേപങ്ങളുടെ പലിശ നിരക്ക് ബാങ്ക് വർദ്ധിപ്പിച്ചു.

എന്നാൽ 7 മുതൽ 389 ദിവസം വരെ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്ക് മാറ്റമില്ലാതെ തുടരും. അതേസമയം 390 ദിവസത്തിൽ കുടുതലും (12 മാസവും 25 ദിവസവും) 23 മാസത്തിൽ താഴെയുമുള്ള ടേം ഡെപ്പോസിറ്റുകൾക്ക് ഇപ്പോൾ 6% നിരക്കിൽ പലിശ ലഭിക്കും. ഇത് മുമ്പത്തെ 5.90% ൽ നിന്ന് 10 ബേസിസ് പോയിന്റ് വർധിച്ചു.

23 മാസത്തിനും 2 വർഷത്തിനും ഇടയിൽ കാലാവധിയുള്ള സ്ഥിര നിക്ഷേപങ്ങൾ ബാങ്ക് ഇപ്പോൾ 6.10% പലിശ നിരക്ക് വാഗ്ദാനം ചെയ്യും, ഇതിന് മുമ്പത്തെ 5.90% ൽ നിന്ന് 20 ബേസിസ് പോയിന്റുകളുടെ വർദ്ധനവുണ്ടായി.

കൂടാതെ കൊട്ടക് മഹീന്ദ്ര ബാങ്ക് 2-10 വർഷത്തിനുള്ളിൽ കാലാവധി പൂർത്തിയാകുന്ന സ്ഥിരനിക്ഷേപങ്ങളുടെ പലിശ നിരക്ക് 5.90 ശതമാനത്തിൽ നിന്ന് 6 ശതമാനമായി ഉയർത്തി. പരിഷ്‌ക്കരണത്തെത്തുടർന്ന് സ്ഥിര നിക്ഷേപ ഉപഭോക്താക്കൾക്ക് 23 മാസം മുതൽ രണ്ട് വർഷത്തിൽ താഴെ വരെയുള്ള കാലയളവിലേക്ക് 6.10% പലിശ നിരക്കിൽ ഉയർന്ന സ്ഥിര നിക്ഷേപ നിരക്കുകൾ പ്രയോജനപ്പെടുത്താമെന്ന് ബാങ്ക് അറിയിച്ചു.

X
Top