സംസ്ഥാന സർക്കാർ വീണ്ടും കടമെടുപ്പിന് ഒരുങ്ങുന്നു; ജൂലൈ 23ന് കടമെടുക്കുക 1,000 കോടി രൂപമൈക്രോസോഫ്റ്റ് തകരാറിൽ പ്രതികരണവുമായി ആർബിഐ; ‘ചെറിയ പ്രശ്നങ്ങൾ, സാമ്പത്തിക മേഖലയെ വ്യാപകമായി ബാധിച്ചിട്ടില്ല’ബജറ്റിൽ ആദായ നികുതി ഇളവ് പ്രഖ്യാപിച്ചേക്കുമെന്ന പ്രതീക്ഷയിൽ നികുതിദായകർസേ​​​വ​​​ന നി​​​കു​​​തി കേ​​​സു​​​ക​​​ൾ തീ​​​ർ​​​പ്പാ​​​ക്കാ​​​ൻ ആം​​​ന​​​സ്റ്റി പ​​​ദ്ധ​​​തി പ്ര​​​ഖ്യാ​​​പി​​​ക്കാ​​​തെ കേ​​​ന്ദ്ര സ​​​ർ​​​ക്കാ​​​ർഇന്ത്യയിലേക്ക് 100 ബില്യണ്‍ ഡോളര്‍ എഫ്ഡിഐ എത്തുമെന്ന് സിറ്റി ഗ്രൂപ്പ്

4 എസ്‌എംഇ ഐപിഒകള്‍ക്ക് 100% ഗ്രേ മാര്‍ക്കറ്റ്‌ പ്രീമിയം

മുംബൈ: എസ്‌ഇംഇ ഐപിഒ വിപണിയിലേക്ക്‌ പബ്ലിക്‌ ഇഷ്യുകളുടെ പ്രവാഹം തുടരുന്നു. വളരെ ഉയര്‍ന്ന പ്രീമിയത്തോടെ എസ്‌ഇംഇ ഐപിഒ കള്‍ ഗ്രേ മാര്‍ക്കറ്റില്‍ വ്യാപാരം ചെയ്യുന്ന പ്രവണത ശക്തിയാര്‍ജിച്ചിരിക്കുകയാണ്‌.

എട്ട്‌ എസ്‌ഇംഇ ഐപിഒകളാണ്‌ അടുത്ത അഞ്ച്‌ ദിവസത്തിനുള്ളില്‍ വിപണിയിലെത്തുന്നത്‌. ഇതില്‍ ഡിണ്ടിഗല്‍ ഫാം പ്രൊഡക്‌ട്‌സ്‌, മെഡികാമന്‍ ഓര്‍ഗാനിക്‌സ്‌, ശിവാലിക്‌ പവര്‍ കണ്‍ട്രോള്‍, ഡിവൈന്‍ എനര്‍ജി എന്നീ നാല്‌ ഐപിഒകള്‍ക്ക്‌ നിലവില്‍ ഗ്രേ മാര്‍ക്കറ്റില്‍ 100 ശതമാനമോ അതിലേറേയോ പ്രീമിയമുണ്ട്‌.

ഡിണ്ടിഗല്‍ ഫാം പ്രൊഡക്‌ട്‌സ്‌
ഇന്നലെ സബ്‌സ്‌ക്രിപ്‌ഷന്‍ ആരംഭിച്ച ഡിണ്ടിഗല്‍ ഫാം പ്രൊഡക്‌ട്‌സിന്റെ ഐപിഒയ്‌ക്ക്‌ ഗ്രേ മാര്‍ക്കറ്റില്‍ ലഭിക്കുന്ന പ്രീമിയം 137 ശതമാനമാണ്‌. ഇന്നലെ തന്നെ ഈ ഐപിഒ ആറ്‌ മടങ്ങിലേറെ സബ്‌സ്‌ക്രൈബ്‌ ചെയ്യപ്പെട്ടു.

ജൂണ്‍ 24 വരെയാണ്‌ ഈ ഐപിഒ സബ്‌സ്‌ക്രൈബ്‌ ചെയ്യാവുന്നത്‌. 54 രൂപയാണ്‌ ഈ ഐപിഒയുടെ ഓഫര്‍ വില. നിലവില്‍ 74 രൂപ ഗ്രേ മാര്‍ക്കറ്റ്‌ പ്രീമിയമുണ്ട്‌. 2000 ഓഹരികള്‍ ഉള്‍പ്പെട്ടതാണ്‌ ഒരു ലോട്ട്‌. പൂര്‍ണമായും പുതിയ ഓഹരികളുടെ വില്‍പ്പനയാണ്‌ നടത്തുന്നത്‌. 64 ലക്ഷം ഓഹരികളുടെ വില്‍പ്പനയിലൂടെ 35 കോടി രൂപയാണ്‌ കമ്പനി സമാഹരിക്കുന്നത്‌.

മെഡികാമന്‍ ഓര്‍ഗാനിക്‌സ്‌
ജൂണ്‍ 21ന്‌ സബ്‌സ്‌ക്രിപ്‌ഷന്‍ ആരംഭിക്കുന്ന മെഡികാമന്‍ ഓര്‍ഗാനിക്‌സിന്റെ ഐപിഒയ്‌ക്ക്‌ ഗ്രേ മാര്‍ക്കറ്റില്‍ ലഭിക്കുന്ന പ്രീമിയം 176 ശതമാനമാണ്‌. ജൂണ്‍ 25 വരെയാണ്‌ ഈ ഐപിഒ സബ്‌സ്‌ക്രൈബ്‌ ചെയ്യാവുന്നത്‌.

34 രൂപയാണ്‌ ഈ ഐപിഒയുടെ ഓഫര്‍ വില. നിലവില്‍ 60 രൂപ ഗ്രേ മാര്‍ക്കറ്റ്‌ പ്രീമിയമുണ്ട്‌. 4000 ഓഹരികള്‍ ഉള്‍പ്പെട്ടതാണ്‌ ഒരു ലോട്ട്‌. പൂര്‍ണമായും പുതിയ ഓഹരികളുടെ വില്‍പ്പനയാണ്‌ നടത്തുന്നത്‌. 31 ലക്ഷം ഓഹരികളുടെ വില്‍പ്പനയിലൂടെ 10.54 കോടി രൂപയാണ്‌ കമ്പനി സമാഹരിക്കുന്നത്‌.

ശിവാലിക്‌ പവര്‍ കണ്‍ട്രോള്‍
ജൂണ്‍ 24ന്‌ സബ്‌സ്‌ക്രിപ്‌ഷന്‍ ആരംഭിക്കുന്ന ശിവാലിക്‌ പവര്‍ കണ്‍ട്രോളിന്റെ ഐപിഒയ്‌ക്ക്‌ ഗ്രേ മാര്‍ക്കറ്റില്‍ ലഭിക്കുന്ന പ്രീമിയം 155 ശതമാനമാണ്‌. ജൂണ്‍ 26 വരെയാണ്‌ ഈ ഐപിഒ സബ്‌സ്‌ക്രൈബ്‌ ചെയ്യാവുന്നത്‌.

100 രൂപയാണ്‌ ഈ ഐപിഒയുടെ ഓഫര്‍ വില. നിലവില്‍ 155 രൂപ ഗ്രേ മാര്‍ക്കറ്റ്‌ പ്രീമിയമുണ്ട്‌. 1200 ഓഹരികള്‍ ഉള്‍പ്പെട്ടതാണ്‌ ഒരു ലോട്ട്‌. പൂര്‍ണമായും പുതിയ ഓഹരികളുടെ വില്‍പ്പനയാണ്‌ നടത്തുന്നത്‌.

ഡിവൈന്‍ പവര്‍ എനര്‍ജി
ജൂണ്‍ 25ന്‌ സബ്‌സ്‌ക്രിപ്‌ഷന്‍ ആരംഭിക്കുന്ന ഡിവൈന്‍ പവര്‍ എനര്‍ജിയുടെ ഐപിഒയ്‌ക്ക്‌ ഗ്രേ മാര്‍ക്കറ്റില്‍ ലഭിക്കുന്ന പ്രീമിയം 100 ശതമാനമാണ്‌.

ജൂണ്‍ 27 വരെയാണ്‌ ഈ ഐപിഒ സബ്‌സ്‌ക്രൈബ്‌ ചെയ്യാവുന്നത്‌. 40 രൂപയാണ്‌ ഈ ഐപിഒയുടെ ഓഫര്‍ വില. നിലവില്‍ 40 രൂപ ഗ്രേ മാര്‍ക്കറ്റ്‌ പ്രീമിയമുണ്ട്‌.

3000 ഓഹരികള്‍ ഉള്‍പ്പെട്ടതാണ്‌ ഒരു ലോട്ട്‌.

X
Top