മുംബൈ: മെയ് മാസത്തില് മൊത്തം ഇക്വിറ്റി ഫണ്ട് നിക്ഷേപം 40 ശതമാനം കുറഞ്ഞു. 22,907 കോടി രൂപയാണ് ഇക്വിറ്റി ഫണ്ടുകളില് കഴിഞ്ഞ മാസമുണ്ടായ അറ്റനിക്ഷേപം. ഏപ്രിലില് 38,440 കോടി രൂപയാണ് ഇക്വിറ്റി ഫണ്ടുകളില് നിക്ഷേപിക്കപ്പെട്ടത്.
അതേ സമയം മുന്വര്ഷം സമാന കാലയളവുമായി താരതമ്യം ചെയ്യുമ്പോള് നിക്ഷേപത്തില് 20 ശതമാനം വര്ധനയുണ്ട്. 2025 മെയില് 19,013 കോടി രൂപയായിരുന്നു ഇക്വിറ്റി ഫണ്ടുകളില് നിക്ഷേപിക്കപ്പെട്ടത്.
ഇക്വിറ്റി ഫണ്ടുകളുടെ 11 ഉപവിഭാഗങ്ങളില് ഏറ്റവും കൂടുതല് നിക്ഷേപം എത്തിയത് ഫ്ളെക്സികാപ് ഫണ്ടുകളിലാണ്. 5175 കോടി രൂപ ഫ്ളെക്സികാപ് ഫണ്ടുകളില് നിക്ഷേപിക്കപ്പെട്ടു. ഏപ്രിലില് ഈ വിഭാഗത്തില് ഉണ്ടായ നിക്ഷേപം 10,147 കോടി രൂപയാണ്.
സ്മോള്കാപ് ഫണ്ടുകളില് 4945 കോടി രൂപയും മിഡ്കാപ് ഫണ്ടുകളില് 4385 കോടി രൂപയും നിക്ഷേപിക്കപ്പെട്ടു. ഈ വിഭാഗങ്ങളിലെ നിക്ഷേപത്തില് യഥാക്രമം 28 ശതമാനവും 33 ശതമാനവും ഇടിവാണ് ഉണ്ടായത്.
