Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

കാനറ എച്ച്‌എസ്‌ബിസി ലൈഫ്‌ ഇന്‍ഷുറന്‍സ്‌ ഐപിഒ ഒക്‌ടോബർ 10 മുതല്‍

കാനറ എച്ച്‌എസ്‌ബിസി ലൈഫ്‌ ഇന്‍ഷുറന്‍സ്‌ ലിമിറ്റഡിന്റെ ഇനീഷ്യല്‍ പബ്ലിക്‌ ഓഫര്‍ (ഐപിഒ) ഒക്‌ടോബര്‍ 10ന്‌ തുടങ്ങും. ഒക്‌ടോബര്‍ 14 വരെയാണ്‌ ഈ ഐപിഒ സബ്‌സ്‌ക്രൈബ്‌ ചെയ്യാവുന്നത്‌. ഇഷ്യു വില പ്രഖ്യാപിച്ചിട്ടില്ല. 30 ഓഹരികള്‍ ഉള്‍പ്പെട്ടതാണ്‌ ഒരു ലോട്ട്‌. ഒക്‌ടോബര്‍ 17ന്‌ ഓഹരികള്‍ എന്‍എസ്‌ഇയിലും ബിഎസ്‌ഇയിലും ലിസ്റ്റ്‌ ചെയ്യും.

പൂര്‍ണമായും ഓഫര്‍ ഫോര്‍ സെയില്‍ (ഒഎഫ്‌എസ്‌) ആണ്‌ നടത്തുന്നത്‌. ഓഫര്‍ ഫോര്‍ സെയില്‍ (ഒഎഫ്‌എസ്‌) വഴി പ്രൊമോട്ടര്‍മാരും നിലവിലുള്ള ഓഹരിയുടമകളും 23.75 കോടി ഓഹരികളാണ്‌ വില്‍ക്കുന്നത്‌. കഴിഞ്ഞയാഴ്‌ചയാണ്‌ ഐപിഒയ്‌ക്കുള്ള അനുമതി സെബിയില്‍ നിന്നും കാനറ എച്ച്‌എസ്‌ബിസി ലൈഫ്‌ ഇന്‍ഷുറന്‍സ്‌ ലിമിറ്റഡിനു ലഭിച്ചത്‌.

കാനറാ ബാങ്ക്‌, എച്ച്‌എസ്‌ബിസി ഇന്‍ഷുറന്‍സ്‌, പഞ്ചാബ്‌ നാഷണല്‍ ബാങ്ക്‌ എന്നിവയാണ്‌ കാനറ എച്ച്‌എസ്‌ബിസി ലൈഫ്‌ ഇന്‍ഷുറന്‍സ്‌ ലിമിറ്റഡിന്റെ പ്രൊമോട്ടര്‍മാര്‍. പൊതുമേഖലാ കമ്പനികള്‍ പ്രൊമോട്ടര്‍മാരായ ലൈഫ്‌ ഇന്‍ഷുറന്‍സ്‌ കമ്പനികളില്‍ ഏറ്റവും ഉയര്‍ന്ന ആസ്‌തി കൈകാര്യം ചെയ്യുന്ന മൂന്നാമത്തെ വലിയ കമ്പനിയാണ്‌ കാനറ എച്ച്‌എസ്‌ബിസി ലൈഫ്‌ ഇന്‍ഷുറന്‍സ്‌. ഇന്‍ഷുറന്‍സ്‌ കവറേജില്‍ രണ്ടാമതും. 2007ലാണ്‌ കമ്പനി സ്ഥാപിതമായത്‌.

X
Top