അദാനി പവര്‍ ഓഹരി വില ഇന്നലെ 5 ശതമാനം ഉയര്‍ന്നു. 393 രൂപയാണ്‌ ഇന്നലെ രേഖപ്പെടുത്തിയ ഉയര്‍ന്ന വില.
കഴിഞ്ഞ ഏഴ്‌ ദിവസം കൊണ്ട്‌ അദാനി പവറിന്റെ ഓഹരി വില 25 ശതമാനമാണ്‌ ഉയര്‍ന്നത്‌. 409.70 രൂപയാണ്‌ ഈ ഓഹരിയുടെ 52 ആഴ്‌ചത്തെ ഉയര്‍ന്ന വില.
അദാനി പവര്‍ ജൂലായ്‌-സെപ്‌റ്റംബര്‍ ത്രൈമാസത്തില്‍ 696 കോടി രൂപയാണ്‌ കൈവരിച്ച ലാഭം. കൂടുതല്‍ വില്‍പ്പന, കുറഞ്ഞ ഇന്ധനച്ചെലവ്‌, ഉയര്‍ന്ന വൈദ്യുതി നിരക്ക്‌ എന്നിവയാണ്‌ ലാഭവളര്‍ച്ചയ്‌ക്ക്‌ വഴിയൊരുക്കിയത്‌.
ഈ ത്രൈമാസത്തിലെ അറ്റവില്‍പ്പന മുന്‍ വര്‍ഷം ഇതേ പാദത്തിലെ 7,044 കോടി രൂപയില്‍ നിന്ന്‌ 84.4 ശതമാനം ഉയര്‍ന്ന്‌ 12,991 കോടി രൂപയായി.
മെച്ചപ്പെട്ട വൈദ്യുതി ആവശ്യകതയും ഉയര്‍ന്ന പ്രവര്‍ത്തന ശേഷിയും കമ്പനിയുടെ ബിസിനസ്‌ മെച്ചപ്പെടുന്നതിന്‌ വഴിയൊരുക്കി.
