Alt Image
യുഎസില്‍ ഇന്ത്യന്‍ തുണിത്തരങ്ങള്‍ക്ക് വീണ്ടും ഡിമാന്‍ഡ് ◆ ഇന്ത്യയിൽ സ്‍മാർട്ട്ഫോൺ വിൽപ്പനയിൽ 20% ഇടിവ്; ഏറ്റവും വലിയ തിരിച്ചടി ബജറ്റ് ഫോണുകൾക്ക് ◆ എല്‍പിജി ഇറക്കുമതി കുതിച്ചുയരുമെന്ന് മുന്നറിയിപ്പ് ◆ ഇന്ത്യയുടെ ക്രൂഡ് ഇറക്കുമതിച്ചെലവിൽ കുതിപ്പ്; 19.5 ബില്യൺ ഡോളറിന്റെ പർച്ചേസ് ◆ പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆

യുഎസ്‌ 2.5 ലക്ഷം ഇന്ത്യക്കാർക്കു കൂടി വീസ നൽകും

ന്യൂഡൽഹി: യുഎസിൽ പ്രവേശിക്കാൻ ഇന്ത്യക്കാർക്ക് ഈ വർഷം  കൂടുതൽ വീസ ലഭ്യമാക്കാൻ നടപടിയുമായി അമേരിക്ക. ഇതിന്റെ ഭാഗമായി രാജ്യത്തെ യുഎസ് കോൺസുലേറ്റുകളിൽ 2.5 ലക്ഷം നോൺ ഇമിഗ്രന്റ് (കുടിയേറ്റേതര)വീസ അഭിമുഖങ്ങൾക്കു കൂടി അവസരം ഒരുക്കും. വിദ്യാർഥികൾ, വിനോദസഞ്ചാരികൾ, പ്രൊഫഷണലുകൾ എന്നിവർക്കെല്ലാം ഇതിന്റെ നേട്ടം ലഭിക്കും. പ്രധാനമന്ത്രി നരേന്ദ്ര മോദിയുടെ യുഎസ് സന്ദർശനത്തിനു പിന്നാലെയാണ് കൂടുതൽ വീസ അനുവദിക്കാൻ തീരുമാനമായത്.

ഈ വർഷം ഇതുവരെ 10 ലക്ഷം നോൺ ഇമിഗ്രന്റ് വീസ അഭിമുഖങ്ങൾ ഇൻഡ്യക്കാർക്കായി രാജ്യത്തെ യുഎസ് കോൺസുലേറ്റുകളിൽ അനുവദിച്ചുവെന്നാണു വിവരം. ഇത്തവണ പ്രോസസ് ചെയ്ത വിദ്യാർത്ഥി വീസകളുടെ എണ്ണവും റെക്കോർഡാണ്. 2024-ൽ ഇതുവരെ ആകെ 1.2 ദശലക്ഷത്തിലധികം ഇന്ത്യക്കാർ യുഎസിലേക്ക് യാത്ര ചെയ്തിട്ടുണ്ട്, ഇത് 2023 ലെ ഇതേ കാലയളവിനെ അപേക്ഷിച്ച് 35% വർദ്ധനവാണ്. കുറഞ്ഞത് ആറ് ദശലക്ഷം ഇന്ത്യക്കാർക്ക് ഇതിനകം യുഎസ് സന്ദർശിക്കാൻ നോൺ ഇമിഗ്രന്റ് വീസയുണ്ട്.

X
Top