ന്യൂഡല്‍ഹി: ഫ്യൂച്ചേഴ്‌സ് & ഓപ്ഷന്‍ പ്രതിമാസ കരാറുകള്‍ കാലഹരണപ്പെടുന്നതിന് മുന്നോടിയായി, സെപ്റ്റംബര്‍ 28 ന് ബെഞ്ച്മാര്‍ക്ക് സൂചികകള്‍ ഏകദേശം ഒരു ശതമാനം താഴ്ന്നു. ബിഎസ്ഇ സെന്‍സെക്‌സ് 509 പോയിന്റ് ഇടിഞ്ഞ് 56,598ലും നിഫ്റ്റി 149 പോയിന്റ് ഇടിഞ്ഞ് 16,859ലും ക്ലോസ് ചെയ്യുകയായിരുന്നു. പ്രതിദിന ചാര്‍ട്ടില്‍ രൂപം കൊണ്ട ഡോജി കാന്‍ഡില്‍ വിപണി അനിശ്ചിതത്വത്തെയാണ് കുറിക്കുന്നതെന്ന് എച്ച്ഡിഎഫ്സി സെക്യൂരിറ്റീസ് ടെക്‌നിക്കല്‍ റിസര്‍ച്ച് അനലിസ്റ്റ് നാഗരാജ് ഷെട്ടി പറയുന്നു.
നിഫ്റ്റി ഇപ്പോള്‍ 16,800 ലെവലിന്റെ നിര്‍ണായക പിന്തുണയിലാണ് നില്‍ക്കുന്നത്. അതുകൊണ്ടുതന്നെ, അടുത്ത 1-2 സെഷനുകളില്‍ ചെറിയ പുള്‍ബാക്ക് റാലിക്ക് സാധ്യതയുണ്ട്. 16,800-16,750 ലെവലില്‍ നിന്നായിരിക്കും ചലനങ്ങള്‍.
17,000 ലെവലില്‍ സൂചിക പ്രതിരോധം തീര്‍ക്കും.
പിവറ്റ് ചാര്‍ട്ട് പ്രകാരമുള്ള പ്രധാന സപ്പോര്‍ട്ട്, റെസിസ്റ്റന്‍സ് ലെവലുകള്‍
നിഫ്റ്റി50
സപ്പോര്‍ട്ട്: 16,773- 16,688
റെസിസ്റ്റന്‍സ്: 16,991-17,123
നിഫ്റ്റി ബാങ്ക്:
സപ്പോര്‍ട്ട്: 37,468-37,176
റെസിസ്റ്റന്‍സ്: 38,210 – 38,661
നിക്ഷേപകര്‍ താല്‍പര്യം പ്രകടിപ്പിക്കുന്ന ഓഹരികള്‍
പിഡ്‌ലൈറ്റ്
പിഐ ഇന്‍ഡസ്ട്രീസ്
ആക്‌സിസ് ബാങ്ക്
ആര്‍ഇസി
എച്ച്‌സിഎല്‍
എല്‍ടി
ഇന്‍ഫോസിസ്
സിജിന്‍
എബിബി
ടിസിഎസ്
പ്രധാന ഇടപാടുകള്‍
അഗര്‍വാള്‍ ഇന്‍ഡസ്ട്രിയല്‍ കോര്‍പറേഷന്‍: ആശിഷ് കച്ചോലിയ കമ്പനിയിലെ 2 ലക്ഷം എണ്ണം അഥവാ 1.98 ശതമാനം ഓഹരി പങ്കാളിത്തം സ്വന്തമാക്കി. 569.89 രൂപയ്ക്കായിരുന്നു ഇടപാട്.
കാന്‍ ഫിന്‍ ഹോംസ്: പിജിഐഎം ഇന്ത്യ മ്യൂച്വല്‍ ഫണ്ട് 10 ലക്ഷം എണ്ണം അല്ലെങ്കില്‍ കമ്പനിയിലെ 0.75 ശതമാനം ഓഹരികള്‍ ശരാശരി 469.62 രൂപ നിരക്കില്‍ വിറ്റു. 2022 ജൂണ്‍ വരെ പിജിഐഎമ്മിന് കമ്പനിയില്‍ 2.47 ശതമാനം ഓഹരിയുണ്ട്.
