ന്യൂഡല്‍ഹി: ബോണസ് ഓഹരി വിതരണം പ്രഖ്യാപിച്ചിരിക്കുകയാണ് സ്‌മോള്‍ക്യാപ്പ് ഫിനാന്‍സ് കമ്പനി ചോയ്‌സ് ഇന്റര്‍നാഷണല്‍. 1:1 അനുപാതത്തിലാണ് ഇഷ്യു. ബോണസ് ഓഹരി വിതരണത്തോടെ മൊത്തം അടച്ചു തീര്‍ത്ത മൂലധനം 99,51,20,000 രൂപയാകും.
നിലവിലിത് 49,75,60,000 രൂപയാണ്. 10 രൂപ മുഖവിലയുള്ള 49,75,60,000 രൂപയുടെ ഓഹരികളാണ് ബോണസായി നല്‍കുക. റെക്കോര്‍ഡ് തീയതി പിന്നീട് പ്രഖ്യാപിക്കും. ഒക്ടോബര്‍ 3 ഓടെ ബോണസ് ഓഹരി വിതരണം പൂര്‍ത്തിയാക്കുമെന്നും കമ്പനി എക്‌സ്‌ചേഞ്ച് ഫയലിംഗില്‍ പറഞ്ഞു.
വെള്ളിയാഴ്ച 432.50 രൂപയിലാണ് ഓഹരി ക്ലോസ് ചെയ്തത്. 2022 ല്‍ 43.57 ശതമാനം ഉയര്‍ച്ച കൈവരിച്ച ഓഹരിയാണ് ചോയ്‌സ് ഇന്റര്‍നാഷണല്‍ ലിമിറ്റഡിന്റേത്.
