പാലക്കാട്: 5,000 വാട്സിനുമുകളിൽ കണക്ടഡ് ലോഡുള്ള(Connected Load) സിംഗിൾഫേസ് ഉപഭോക്താക്കൾ ത്രീഫേസിലേക്ക് മാറണമെന്ന് കെഎസ്ഇബിയുടെ(KSEB) നിർദേശം.
ഒരു ഫേസിലെ വൈദ്യുതി തടസ്സപ്പെട്ടാലും മറ്റുരണ്ട് ഫേസുകളിലൂടെ വൈദ്യുതി ലഭ്യമാകും. വയറിങ്ങിന്റെ സുരക്ഷയ്ക്കും ഉപകരണങ്ങളുടെ ദീർഘായുസ്സിനും ഇത് ഗുണകരമാണ്.
ത്രീഫേസിലേക്ക് മാറുന്നതിനുള്ള വാതിൽപ്പടി സേവനങ്ങളും കെ.എസ്.ഇ.ബി. ലഭ്യമാക്കിയിട്ടുണ്ട്.
5,000 വാട്സിനുമുകളിൽ കണക്ടഡ് ലോഡുള്ള സിംഗിൾ ഫേസ് ഉപഭോക്താക്കൾ ത്രീഫേസിലേക്ക് മാറിയില്ലെന്നതു പരിശോധനയിൽ തെളിഞ്ഞാൽ പിഴചുമത്തുന്നതടക്കമുള്ള നടപടികളും സ്വീകരിക്കും.
1912 എന്ന ടോൾഫ്രീ കസ്റ്റമർകെയർ നമ്പറിൽ വിളിച്ചോ 9496001912 എന്ന നമ്പറിൽ വാട്സാപ് സന്ദേശമയച്ചോ സെക്ഷൻ ഓഫീസുമായി ബന്ധപ്പെട്ടോ ഫേസ് മാറ്റത്തിനായി ആവശ്യപ്പെടാം.
