മുംബൈ: ഇന്ത്യന് ഓഹരി വിപണിയില് വിദേശ നിക്ഷേപക സ്ഥാപനങ്ങള് മാര്ച്ചില് ഇതുവരെ 30,015 കോടി രൂപയുടെ വില്പ്പന നടത്തി. ഇതോടെ 2025ല് വിദേശ നിക്ഷേപക സ്ഥാപനങ്ങള് നടത്തിയ വില്പ്പന 1,46,616 ലക്ഷം കോടി രൂപയായി.
വിദേശ നിക്ഷേപകര് ഫെബ്രുവരിയില് 34,574 കോടി രൂപയാണ് ഇന്ത്യന് വിപണിയില് നിന്ന് പിന്വലിച്ചത്.
ജനുവരിയില് 78,027 കോടി രൂപയുടെ ഓഹരികള് വില്ക്കുകയും ചെയ്തു. തുടര്ച്ചയായി പതിനാലാമത്തെ ആഴ്ചയാണ് വിദേശ നിക്ഷേപക സ്ഥാപനങ്ങള് വില്പ്പന നടത്തുന്നത്.
വിവിധ രാജ്യങ്ങളില് നിന്നുള്ള ഇറക്കുമതികള്ക്ക് തീരുവ ഏര്പ്പെടുത്തിയ യുഎസ്സിന്റെ നടപടിയെ തുടര്ന്ന് ആഗോള വ്യാപാര രംഗത്തുണ്ടായ ആശങ്കയാണ് വിദേശ നിക്ഷേപക സ്ഥാപനങ്ങളുടെ വില്പ്പനയ്ക്ക് ശക്തി കൂട്ടിയത്. ട്രംപിന്റെ നയങ്ങള് ആഗോള സമ്പദ്വ്യവസ്ഥയെ പ്രതികൂലമായി ബാധിക്കുമെന്നാണ് ആശങ്ക.
ഇതിന് പുറമെ യുഎസ് മാന്ദ്യത്തിലേക്ക് നീങ്ങാനുള്ള സാധ്യതയും വിപണിയിലെ ചാഞ്ചാട്ടത്തിന് ആക്കം കൂട്ടുന്നു.
