Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

ഇന്ത്യയുടെ കയറ്റുമതിയില്‍ നേരിയ ഇടിവ്

മാസങ്ങളായി തുടര്‍ന്നുവന്ന കുതിപ്പിനൊടുവില്‍ ഇന്ത്യയുടെ കയറ്റുമതിയില്‍ നേരിയ ഇടിവ്. ജുലൈ മാസത്തിനിലെ കയറ്റുമതി 0.76 ശതമാനം ഇടിഞ്ഞ് 35.24 ബില്യണ്‍ ഡോളറിലെത്തി. അതേസമയം വ്യാപാരക്കമ്മി 31.02 ബില്യണ്‍ ഡോളറായി വര്‍ധിച്ചതായും സര്‍ക്കാര്‍ കണക്കുകള്‍ വ്യക്തമാക്കുന്നു. 2021 ജൂലൈയില്‍ 10.63 ബില്യണ്‍ ഡോളറായിരുന്നു വ്യാപാരക്കമ്മി.
ജൂലൈയിലെ ഇറക്കുമതി കഴിഞ്ഞമാസം 66.26 ബില്യണ്‍ ഡോളറായാണ് ഉയര്‍ന്നത്. 2021 ജുലൈയില്‍ 46.15 ബില്യണ്‍ ഡോളറായിരുന്നു ഇന്ത്യയുടെ ഇറക്കുമതി. അതായത് ഇറക്കുമതിയിലുണ്ടായത് 43 ശതമാനത്തിന്റെ വര്‍ധന.

‘നടപ്പ് സാമ്പത്തിക വര്‍ഷത്തിലെ ആദ്യ നാല് മാസങ്ങളില്‍ 156.41 ബില്യണ്‍ ഡോളറിന്റെ കയറ്റുമതിയാണ് രേഖപ്പെടുത്തിയത്. ഈ സാമ്പത്തിക വര്‍ഷത്തില്‍ 470 ബില്യണ്‍ ഡോളറെന്ന ലക്ഷ്യം സുഗമമായി കൈവരിക്കാനാകുമെന്നാണ് പ്രതീക്ഷിക്കുന്നത്” വാണിജ്യ സെക്രട്ടറി ബി വി ആര്‍ സുബ്രഹ്‌മണ്യം പറഞ്ഞു.

അതേസമയം, കണക്കുകള്‍ പ്രകാരം, ഒരു വര്‍ഷം മുമ്പ് 4.2 ബില്യണ്‍ ഡോളറായിരുന്ന സ്വര്‍ണ ഇറക്കുമതി ജൂലൈയില്‍ പകുതിയായി കുറഞ്ഞ് 2.37 ബില്യണ്‍ ഡോളറായി.

X
Top