ന്യൂഡൽഹി: ഫെബ്രുവരിയിൽ രാജ്യത്തെ വാഹന വാഹന വിൽപനയിൽ 7% ഇടിവെന്ന് ഫെഡറേഷൻ ഓഫ് ഓട്ടമൊബീൽ ഡീലേഴ്സ് അസോസിയേഷൻ (ഫാഡ).
ആഭ്യന്തര വിപണിയിൽ ഡീലർമാരിലൂടെ ആകെ 18,99,196 വാഹനങ്ങളാണ് വിൽപന നടത്തിയത്. 2024 ഫെബ്രുവരിയിൽ ഇത് 20,46,328 വാഹനങ്ങളായിരുന്നു.
എല്ലാ വിഭാഗം വാഹനങ്ങളുടെയും വിൽപന കുറഞ്ഞതായി ഫാഡ പ്രസിഡന്റ് സി.എസ്. വിഗ്നേശ്വർ പറഞ്ഞു.
കാർ വിൽപനയിൽ 10% ഇടിവാണ്. വിറ്റത് 3,03,398 യൂണിറ്റുകൾ. ടൂ വീലറുകളുടെ വിൽപനയിടിവ് 6%. വിൽപന 13,53,280 വാഹനങ്ങൾ.
