ഇന്ത്യയുടെ വളര്‍ച്ചാ അനുമാനം നിലനിര്‍ത്തി എസ്ആന്റ്പി റേറ്റിംഗ്‌സ്ജൂണ്‍ പാദ ബാങ്ക്‌ വായ്പാ വളര്‍ച്ച 14 ശതമാനമായി ഉയര്‍ന്നുവീണ്ടും റെക്കോര്‍ഡ് താഴ്ച, ഡോളറിനെതിരെ 81.55 ല്‍ രൂപഉത്സവ സീസണിലെ വൈദ്യുതി ഉത്പാദനം: കല്‍ക്കരി ശേഖരം മതിയായ തോതിലെന്ന് സര്‍ക്കാര്‍വിദേശനാണ്യ കരുതൽ ശേഖരം രണ്ട് വർഷത്തെ ഏറ്റവും താഴ്ന്ന നിലയിൽ

ഒന്നിലധികം എഫ്എംസിജി ബ്രാൻഡുകളെ ഏറ്റെടുക്കാൻ റിലയൻസ്

മുംബൈ: കഴിഞ്ഞ എജിഎമ്മിൽ ഫാസ്റ്റ് മൂവിംഗ് കൺസ്യൂമർ ഗുഡ്‌സ് (എഫ്എംസിജി) വിഭാഗത്തിലേക്ക് പ്രവേശിക്കുന്നതായി റിലയൻസ് ഇൻഡസ്ട്രീസ് ലിമിറ്റഡ് പ്രഖ്യാപിച്ചിരുന്നു. അതിന്റെ ഭാഗമായി കമ്പനിയുടെ എഫ്എംസിജി വിഭാഗത്തെ ശക്തിപ്പെടുത്തുന്നതിനായി കാവിൻകെയറിൽ നിന്ന് ഗാർഡൻ നാംകീൻസ് പോലുള്ള ബ്രാൻഡുകളും ലാഹോറി സീറ, ബിന്ദു ബിവറേജസ് തുടങ്ങിയ ബ്രാൻഡുകളും ഏറ്റെടുക്കാൻ ആർഐഎൽ ചർച്ചകൾ നടത്തിവരികയാണെന്ന് അടുത്ത വൃത്തങ്ങൾ അറിയിച്ചു.

അടുത്തിടെ ഡൽഹി ആസ്ഥാനമായുള്ള പ്യുവർ ഡ്രിങ്ക്‌സ് ഗ്രൂപ്പിൽ നിന്ന് 22 കോടി രൂപയുടെ ഇടപാടിൽ ശീതളപാനീയ ബ്രാൻഡായ കാമ്പയെ റിലയൻസ് ഏറ്റെടുത്തിരുന്നു. നിലവിൽ റിലയൻസ് മൂന്ന് കമ്പനികളുമായുള്ള ചർച്ചകളുടെ ഒരു വിപുലമായ ഘട്ടത്തിലാണെന്ന് അടുത്ത വൃത്തങ്ങൾ വ്യക്തമാക്കി.

എഫ്എംസിജി മേഖലയിൽ കൂടുതൽ ബ്രാൻഡുകളെ സ്വന്തമാക്കാനാണ് കമ്പനി പദ്ധതിയിടുന്നത്. അതേസമയം അടുത്ത ഏതാനും വർഷങ്ങളിൽ ഇന്ത്യൻ ഉപഭോക്തൃ മേഖലയിൽ കൂടുതൽ ഏകീകരണം കാണാൻ കഴിയുമെന്ന് വിദഗ്ധർ അഭിപ്രായപ്പെട്ടു.

X
Top