ഇന്ത്യയുടെ വളര്‍ച്ചാ അനുമാനം നിലനിര്‍ത്തി എസ്ആന്റ്പി റേറ്റിംഗ്‌സ്ജൂണ്‍ പാദ ബാങ്ക്‌ വായ്പാ വളര്‍ച്ച 14 ശതമാനമായി ഉയര്‍ന്നുവീണ്ടും റെക്കോര്‍ഡ് താഴ്ച, ഡോളറിനെതിരെ 81.55 ല്‍ രൂപഉത്സവ സീസണിലെ വൈദ്യുതി ഉത്പാദനം: കല്‍ക്കരി ശേഖരം മതിയായ തോതിലെന്ന് സര്‍ക്കാര്‍വിദേശനാണ്യ കരുതൽ ശേഖരം രണ്ട് വർഷത്തെ ഏറ്റവും താഴ്ന്ന നിലയിൽ

കൊച്ചി മെട്രോയുടെ പേട്ട- എസ്എന്‍ ജംഗ്ഷൻ റീച്ച് ഉദ്ഘാടനം ഇന്ന്

കൊച്ചി: കൊച്ചി മെട്രോയുടെ പേട്ട-എസ്.എന്. ജങ്ഷന് റീച്ച് പ്രധാനമന്ത്രി നരേന്ദ്ര മോദി ഇന്ന് ഉദ്ഘാടനം ചെയ്യും. വൈകിട്ട് ആറു മണിക്ക് സിയാല് കണ്വെന്ഷന് സെന്ററിലാണ് ഉദ്ഘാടനം. ചടങ്ങില് മുഖ്യമന്ത്രി പിണറായി വിജയനും ഗവര്ണര് ആരിഫ് മുഹമ്മദ് ഖാനും പങ്കെടുക്കും.

രണ്ടു ദിവസത്തെ കേരള സന്ദര്ശനത്തിന് ഇന്ന് വൈകിട്ടെത്തുന്ന പ്രധാനമന്ത്രി മോദി, കൊച്ചി മെട്രോയുടെ അഞ്ചാം റീച്ച് നാടിന് സമര്പ്പിക്കും. മുന്പ് കൊച്ചി മെട്രോയുടെ ആദ്യ ഘട്ട ഉദ്ഘാടനം നിര്വഹിച്ചതും മോദിയായിരുന്നു. അന്ന് ജവഹര്ലാല് നെഹ്റു സ്റ്റേഡിയത്തിലായിരുന്നു ചടങ്ങുകള്. ഇക്കുറി സിയാല് കണ്വെന്ഷന് സെന്ററിലാണ് ചടങ്ങുകള്.

പേട്ടയില് നിന്ന് തൃപ്പൂണിത്തുറ രാജനഗരിയിലേക്ക് കൊച്ചി മെട്രോ ഇന്ന് ഓടിയെത്തും. പേട്ടയില് നിന്ന് 1.8 കിലോമീറ്റര് ദൂരമാണ് എസ്.എന്. ജങ്ഷനിലേക്കുള്ളത്. ഈ റീച്ചിന്റെ ഉദ്ഘാടനത്തോടെ തൃപ്പൂണിത്തുറ നഗരത്തിലേക്ക് മെട്രോ എത്തുകയാണ്.

ഇന്ന് വൈകിട്ട് നാലരയ്ക്കാണ് മോദി ഡല്ഹിയില് നിന്ന് നെടുമ്പാശ്ശേരിയില് എത്തുക. ശേഷം കാലടി ആദിശങ്കര ക്ഷേത്രത്തിലേക്കു പോകും. ഇവിടെയാണ് പ്രധാനമന്ത്രിയുടെ ആദ്യ പരിപാടി. ശേഷം സിയാല് കണ്വെന്ഷനിലെത്തി കൊച്ചി മെട്രോ അഞ്ചാം റീച്ച്-വിവിധ റെയില്വേ പദ്ധതികള് എന്നിവയുടെ ഉദ്ഘാടനവും നിര്വഹിക്കും.

ശേഷം രാത്രി താജ് മലബാര് ഹോട്ടലിലേക്ക് പ്രധാനമന്ത്രി മടങ്ങും. നാളെ രാവിലെ ഐഎന്എസ് വിക്രാന്ത് പ്രധാനമന്ത്രി രാജ്യത്തിന് സമര്പ്പിക്കും.

X
Top