ഒരു വർഷത്തിനുള്ളില്‍ ഔണ്‍സിന്റെ വില 3,150 ഡോളറിലെത്തുമെന്ന് പ്രവചനംകൊച്ചി: അടുത്ത വർഷം സ്വർണം, ക്രൂഡോയില്‍ എന്നിവയുടെ വില പുതിയ ഉയരങ്ങളിലെത്തുമെന്ന് പ്രമുഖ ആഗോള ധനകാര്യ ഏജൻസിയായ ഗോള്‍ഡ്മാൻ സാക്ക്സ് പ്രവചിക്കുന്നു.
നാണയപ്പെരുപ്പവും ആഗോള രാഷ്‌ട്രീയ അനിശ്ചിതത്വങ്ങളും സുരക്ഷിത നിക്ഷേപമെന്ന നിലയില്‍ സ്വർണത്തിന് പ്രിയം വർദ്ധിപ്പിക്കും.
അടുത്ത വർഷം ഡിസംബറോടെ രാജ്യാന്തര വിപണിയില്‍ സ്വർണ വില ഔണ്‍സിന്(28.35 ഗ്രാം) 3,150 ഡോളറാകുമെന്നാണ് പ്രവചനം.
നിലവില്‍ 2,651.80 ഡോളറാണ് ഔണ്‍സിന്റെ വില. വിവിധ കേന്ദ്ര ബാങ്കുകള്‍ സ്വർണ നിക്ഷേപം ഉയർത്തുന്നതും അമേരിക്കയിലെ ധന കമ്മി അപകടകരമായി കൂടുമെന്ന ആശങ്കകളും അനുകൂല ഘടകമാണ്.
അടുത്ത വർഷം ഡിസംബറില്‍ ക്രൂഡോയില്‍ വില ബാരലിന് നൂറ് ഡോളർ കടക്കുമെന്നും ഗോള്‍ഡ്മാൻ സാക്ക്സ് പറയുന്നു.
