ന്യൂഡല്‍ഹി: നാലാംപാദ ഫലങ്ങള്‍ പുറത്തുവിട്ട് അടുത്ത ദിവസം ശ്രീമന്റ്‌സ് ഓഹരി ഉയര്‍ന്നു. ആദ്യസെഷനില്‍ താഴ്ച വരിച്ച സ്‌റ്റോക്ക് അവസാന സെഷനില്‍ വീണ്ടെടുപ്പ് നടത്തുകയായിരുന്നു. 1.21 ശതമാനം ഉയര്‍ന്ന് 24765.80 രൂപയിലാണ് ക്ലോസിംഗ്.
ആഗോള ബ്രോക്കറേജ് സ്ഥാപനം മോര്‍ഗന്‍ സ്റ്റാന്‍ലി, 25600 രൂപ ലക്ഷ്യവിലയോട് കൂടിയ ഈക്വല്‍ വെയ്റ്റ് റേറ്റിംഗ് സ്‌റ്റോക്കിന് നല്‍കുന്നു.21850 രൂപ ലക്ഷ്യവില നിശ്ചയിച്ച് ഓഹരി ഹോള്‍ഡ് ചെയ്യാനാണ് ജെഫറീസ് നിര്‍ദ്ദേശം.546.2 കോടി രൂപയാണ് കമ്പനി നാലാംപാദത്തില്‍ രേഖപ്പെടുത്തിയ അറ്റാദായം.
മുന്‍വര്‍ഷത്തെ സമാന പാദത്തെ അപേക്ഷിച്ച് 15.3 ശതമാനം കുറവ്. സ്റ്റാന്റലോണ്‍ വരുമാനം 16.7 ശതമാനം ഉയര്‍ന്ന് 4785 കോടി രൂപയായി. 55 രൂപ രണ്ടാം ഇടക്കാല ലാഭവിഹിതത്തിനും ഡയറക്ടര്‍ ബോര്‍ഡ് ശുപാര്‍ശ നല്‍കിയിട്ടുണ്ട്.
എബിറ്റ 2 ശതമാനം താഴ്ന്ന് 1027.72 കോടി രൂപയായപ്പോള്‍ എപിഎസ് 178..82 രൂപയില്‍ നിന്നും 151.39 രൂപയിലേയ്ക്ക് താഴ്ന്നു.
