ഒട്ടാവ: ഒരുവര്ഷം എടുക്കുന്ന വിദേശവിദ്യാര്ഥികളുടെ എണ്ണത്തിനു പരിധിവെക്കാന് കാനഡ ആലോചിക്കുന്നു. എന്നാല്, പരിധി എത്രയെന്ന് ഇക്കാര്യമറിയിച്ച കുടിയേറ്റമന്ത്രി മാര്ക്ക് മില്ലര് വ്യക്തമാക്കിയില്ല.
വിദേശവിദ്യാര്ഥികള്ക്കും മറ്റു കുടിയേറ്റക്കാര്ക്കും താമസിക്കാന് ആവശ്യത്തിനു പാര്പ്പിടങ്ങളില്ലാത്തതാണ് ഈ നീക്കത്തിനു കാരണമെന്ന് അദ്ദേഹം പറഞ്ഞു. 2022-ലെ കണക്കനുസരിച്ച് കാനഡയിലെ വിദേശ വിദ്യാര്ഥികളില് ഏറ്റുവമധികം ഇന്ത്യയില് നിന്നുള്ളവരാണ്; 3.19 ലക്ഷം പേര്.
കാനഡയിലേക്ക് കുടിയേറ്റം പ്രോത്സാഹിപ്പിക്കാന് പ്രധാനമന്ത്രി ജസ്റ്റിന് ട്രൂഡോയുടെ സര്ക്കാര് തീരുമാനിച്ചിരുന്നു. ഇക്കൊല്ലം 4.85 ലക്ഷം പേരെയും 2025-ലും 26-ലും അഞ്ചുലക്ഷം പേരെവീതവും എത്തിക്കുകയായിരുന്നു സര്ക്കാരിന്റെ ലക്ഷ്യം.
എന്നാല്, ഭവനമേഖലയിലെ പ്രതിസന്ധി ഇതിനു തടസ്സമായിരിക്കുകയാണ്.
