Alt Image
1.11 ലക്ഷം കോടി ചെലവുള്ള ഇന്ത്യയുടെ രണ്ട് വൻ അന്തർവാഹിനി പദ്ധതികൾക്ക് അന്തിമാനുമതി ഉടൻ ◆ ആഗോള സ്വർണശക്തിയാകാൻ ഇന്ത്യ; പദ്ധതിയുടെ രൂപരേഖ നിതി ആയോഗ് വൈകാതെ അവതരിപ്പിച്ചേക്കും ◆ മൊത്തവില സൂചിക 12.29 ശതമാനമായി ഉയർന്നു ◆ ആഗോള ഡീസൽ ക്ഷാമം: ഇന്ത്യൻ എണ്ണശുദ്ധീകരണ കമ്പനികൾക്ക് നേട്ടമാകുമെന്ന് റിപ്പോർട്ട് ◆ ബിസിനസ് വളർച്ചയിൽ തിളങ്ങി കേരള ബാങ്കുകൾ ◆

രണ്ട് എല്‍ഇഡി ബള്‍ബെടുത്താല്‍ ഒന്ന് സൗജന്യവുമായി കെഎസ്ഇബിയുടെ പുതിയ ഓഫര്‍

തിരുവനന്തപുരം: രണ്ടെടുത്താല്‍ ഒരു എല്‍.ഇ.ഡി. ബള്‍ബ് സൗജന്യം. ബി.പി.എല്‍. കുടുംബങ്ങള്‍ക്കും അങ്കണവാടികള്‍ക്കും സർക്കാർ ആശുപത്രികള്‍ക്കും പൂർണമായും സൗജന്യമാണ്.

മൂന്നുവർഷ വാറന്റി തീരാറായതും തീർന്നതുമായ ബള്‍ബുകള്‍ വിറ്റഴിക്കാനും ഒഴിവാക്കാനുമാണ് കെ.എസ്.ഇ.ബി. ഓഫർ പ്രഖ്യാപിച്ചത്. ഫിലമെന്റ് ഫ്രീ കേരളം എന്ന ലക്ഷ്യത്തോടെ വാങ്ങിക്കൂട്ടിയ 2.19 ലക്ഷം ബള്‍ബുകളാണ് കൃത്യസമയത്ത് വിതരണം ചെയ്യാതെ സ്റ്റോറുകളില്‍ കെട്ടിക്കിടക്കുന്നത്.

1.17 കോടി ബള്‍ബുകള്‍ 54.88 കോടിരൂപയ്ക്കാണ് കെ.എസ്.ഇ.ബി. വാങ്ങിയത്. ഇതില്‍ 1.15 കോടി വിറ്റു. ശേഷിക്കുന്ന രണ്ടുശതമാനത്തോളം എങ്ങനെയും വിറ്റ് നഷ്ടം കുറയ്ക്കാനുള്ള ശ്രമത്തിലാണ്.

ഒൻപത് വാട്സിന്റെ ബള്‍ബിന് 65 രൂപയാണ് കെ.എസ്.ഇ.ബി. ഈടാക്കിയിരുന്നത്. ഇപ്പോള്‍ പൊതുവിപണിയില്‍ വില ഇതിലും കുറവാണ്. ഉജ്ജ്വല്‍ പദ്ധതിയുടെ ഭാഗമായി വാങ്ങിയ 81,000 ബള്‍ബുകളും വാറന്റി കഴിഞ്ഞ് ബാക്കിയുണ്ട്.

ഇവ അങ്കണവാടികള്‍, വൈദ്യുതി ചാർജ് അടയ്ക്കേണ്ടതില്ലാത്ത ബി.പി.എല്‍. കുടുംബങ്ങള്‍, സർക്കാർ ആശുപത്രികള്‍ എന്നിവയ്ക്ക് സൗജന്യമായി നല്‍കും.

കെഎസ്.ഇ.ബി. ഓഫീസുകള്‍ക്കും സൗജന്യമായി കിട്ടും.

X
Top