Alt Image
ആപ്പിള്‍ എയര്‍പോഡ്‌സിനുള്ള ഘടകങ്ങള്‍ ഇനി ഇന്ത്യയില്‍ നിന്നുംവിദേശ നാണ്യ ശേഖരം തുടര്‍ച്ചയായ രണ്ടാം ആഴ്ചയും ഉയര്‍ന്നു25 ബേസിസ് പോയിന്റ് നിരക്ക് വര്‍ധന പ്രതീക്ഷിച്ച് റോയിട്ടേഴ്‌സ് പോള്‍കേന്ദ്ര ഇടപെടൽ: ഗോതമ്പിന്റെ മൊത്തവില കുറയുന്നുകേന്ദ്ര ബഡ്‌ജറ്റ് 2023-24: ഇളവുകൾ ഉന്നമിട്ട് ആദായനികുതി

കനത്ത നഷ്ടം നേരിട്ട് ബെഞ്ച് മാര്‍ക്ക് സൂചികകള്‍

മുംബൈ: കോവിഡ് കേസുകളിലെ വര്‍ധനവും മാന്ദ്യഭീതിയും ബുധനാഴ്ച വിപണികളെ തളര്‍ത്തി. സെന്‍സെക്‌സ് 635.05 പോയിന്റ് അഥവാ 1.03 ശതമാനം താഴ്ന്ന് 61067.24 ലും നിഫ്റ്റി 179.70 പോയിന്റ് അഥവാ 0.98 ശതമാനം താഴന്ന് 18205.60 ലെവലിലും ക്ലോസ് ചെയ്യുകയായിരുന്നു. ആരോഗ്യപരിപാലനം (2.25 ശതമാനം ഉയര്‍ച്ച), ഐടി (0.23 ശതമാനം ഉയര്‍ച്ച) ഒഴികെയുള്ള മേഖലകളെല്ലാം നഷ്ടം വരിച്ചു.

ബിഎസ്ഇ മിഡ്ക്യാപ്,സ്‌മോള്‍ക്യാപ് സൂചികകള്‍ യഥാക്രമം 1.40 ശതമാനം, 2.18 ശതമാനം എന്നിങ്ങനെയാണ് പൊഴിച്ചത്.6 ശതമാനം നഷ്ടമുണ്ടാക്കിയ അദാനി എന്റര്‍പ്രൈസസാണ് വലിയ തോതില്‍ ഇടിവ് നേരിട്ടത്. അദാനി പോര്‍ട്ട്‌സ്,അള്‍ട്രാടെക് സിമന്റ്, ഇന്‍ഡസ്ഇന്‍ഡ് ബാങ്ക് എന്നിവയും ദുര്‍ബലമായി.

അതേസമയം ഡിവിസ് ലാബ്‌സ് 5 ശതമാനവും അപ്പോളോ ഹോസ്പിറ്റല്‍സ് 3 ശതമാനവും നേട്ടമുണ്ടാക്കി. വാള്‍സ്ട്രീറ്റ് സൂചികകള്‍ ചൊവ്വാഴ്ച ഉയര്‍ന്നെങ്കിലും ഏഷ്യന്‍ സൂചികകള്‍ സമ്മിശ്ര പ്രകടനമാണ് കാഴ്ചവച്ചത്. ടോക്കിയോ നിക്കൈ 0.2 ശതമാനം ഇടിവ് നേരിട്ടു. ഹോങ്കോങ് ചെറിയ തോതില്‍ ഉയര്‍ന്നെങ്കിലും ചൈനീസ് സൂചികകള്‍ മാറ്റമില്ലാതെ തുടരുകയാണ്.

അവധി സീസണ് മുന്നോടിയായി യൂറോപ്യന്‍ വിപണികള്‍ മെച്ചപ്പെട്ടു.

X
Top