Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

എയർടെൽ, ജിയോ വോയ്സ് കോൾ നിരക്ക് വീണ്ടും കുറച്ചു

കൊല്ലം: ട്രായ് നിർദേശത്തിന്‍റെ അടിസ്ഥാനത്തിൽ റിലയൻസ് ജിയോയും ഭാരതി എയർടെലും വോയ്സ് പ്ലാനുകളുടെ നിരക്കുകൾ വീണ്ടും കുറച്ചു.

ജിയോ നേരത്തേയുള്ള 1958 രൂപയുടെ പ്ലാൻ 1748 രൂപയായി കുറച്ചു. പുതിയ പ്ലാൻ പ്രകാരം 336 ദിവസം (നേരത്തേ 365 ദിവസം) അൺലിമിറ്റഡ് വോയ്സ് കോളുകളും 3600 എസ്എംഎസും ലഭിക്കും.

458 രൂപയുടെ റീച്ചാർജ് പ്ലാൻ 448 രൂപയായും കുറച്ചു. ഇതിൽ 84 ദിവസം അൺലിമിറ്റഡ് വോയ്സ് കോളുകളും 1,000 എസ്എംഎസും കിട്ടും.

എയർടെൽ 1959 രൂപയുടെ പ്ലാൻ 1849 രൂപയായി കുറച്ചു. ഇതിൽ 365 ദിവസം അൺലിമിറ്റഡ് കോളുകളും 3600 എസ്എംഎസും ലഭിക്കും.

499 രൂപയുടെ പ്ലാൻ 469 രൂപയായും എയർടെൽ കുറച്ചു. ഇതിൽ 84 ദിവസം അൺലിമറ്റഡ് വോയ്സ് കോളുകളും 900 എസ്എംഎസും ലഭിക്കും.

വോഡഫോൺ ഐഡിയ 1460 രൂപ റീച്ചാർജിൽ 270 ദിവസം അൺലിമിറ്റഡ് വോയ്സ് കോളുകളും 100 എസ്എംഎസുമാണ് നൽകുന്നത്. ഇവർ പരിധി കഴിഞ്ഞുള്ള ലോക്കൽ എസ്എംഎസിന് ഒരു രൂപയും എസ്ടിഡി എസ്എംഎസിന് 1.5 രൂപയും ഈടാക്കും.

X
Top