തിരുവനന്തപുരം: സാമ്പത്തികമായി പിന്നാക്കം നില്ക്കുന്ന 1000-ലേറെ കുട്ടികള്ക്ക് എസ്ഐപി അക്കാദമി വിദ്യാഭ്യാസ സഹായം പ്രഖ്യാപിച്ചു. ഇന്ത്യയിലെ പ്രമുഖ അബാക്കസ് പരിശീലന പദ്ധതിയായ എസ്ഐപി അബാക്കസ് മുന്നിര ക്രിയേറ്റീവ് ആര്ട്ട് ട്രെയിനിംഗ് ശ്രേണിയായ ഗ്ലോബല് ആര്ട്ട്, ഇംഗ്ലീഷ് ഭാഷാ പ്രോഗ്രാമായ മൈകിഡ്സ് എന്നിവയുടെ സംയുക്ത സംരംഭമാണ് വിദ്യാഭ്യാസ സഹായ പദ്ധതിയെന്ന് എസ്ഐപി അക്കാദമി ഇന്ത്യ മാനേജിംഗ് ഡയറക്ടര് ദിനേഷ് വിക്ടര് പറഞ്ഞു.
മഹാമാരിക്കാലത്ത് വീട്ടിലെ ഏക ആശ്രയമായിരുന്ന രക്ഷിതാവിനെ നഷ്ടപ്പെട്ട, 148 എസ്ഐപി വിദ്യാര്ത്ഥികള്ക്ക് 12 മാസത്തെ പ്രതിമാസ ഫീസ് ഒഴിവാക്കി നല്കി. പിന്നാക്ക വിഭാഗങ്ങളില്പ്പെട്ട, 45 എസ്ഐപി അബാക്കസ് സെന്ററുകളിലെ 225 കുട്ടികള്ക്ക് 75 ശതമാനം വരെ ഫീസിളവും നല്കുന്നുണ്ട്.
കോര്പ്പറേറ്റ് ടൈ അപ്പുകളിലൂടെ ബൃഹത് പദ്ധതികളാണ് എസ്ഐപി ആവിഷ്കരിച്ചിരിക്കുന്നത്. കുട്ടികള്ക്ക് പാഠപുസ്തകങ്ങളും അധ്യാപകര്ക്ക് പഠന സാമഗ്രികളും സോഫ്റ്റ് വെയര് പ്രോഗ്രാമുകളും ലഭ്യമാക്കുന്നുണ്ട്. എസ്ഐപി ഫൗണ്ടേഷന് ഇന്ത്യയില് ഉടനീളം മിയാവാക്കി വന വികസനത്തിന് നേതൃത്വം നല്കുന്നുണ്ട്.
ചില്ഡ്രന് ബിലീവ് എന്ന അന്താരാഷ്ട്ര എന്ജിഒ, ഇന്റഗ്രേറ്റഡ് റൂറല് ഡവലപ്മെന്റ് സൊസൈറ്റി എന്നിവയുടെ സഹകരണത്തോടെ വിവിധ ഗ്രാമങ്ങളില് ഗ്രൗണ്ടുകള് നിര്മിക്കും. മഴവെള്ള സംഭരണം പ്രോത്സാഹിപ്പിക്കുന്നതിന് റെയിന് വാട്ടര് വാരിയേഴ്സ് പ്രോഗ്രാമിനു രൂപം നല്കിയിട്ടുണ്ട്.
കുട്ടികളില് സോഫ്റ്റ് സ്കില്ലുകള് വളര്ത്തിയെടുക്കാനും സമഗ്ര പരിപാടികള്ക്ക് രൂപം നല്കിയിട്ടുണ്ടെന്ന് എസ്ഐപി മാനേജിംഗ് ഡയറക്ടര് ദിനേഷ് വിക്ടര് പറഞ്ഞു.