ഇലക്ടറൽ ബെയറർ ബോണ്ട് സ്കീം – സെപ്റ്റംബർ 20222022 ഓഗസ്റ്റിൽ ആധാർ വഴി 23.45 കോടി e-KYC ഇടപാടുകൾ നടത്തിജില്ലാ ആശുപത്രികള്‍ സ്വകാര്യവത്ക്കരിക്കാനൊരുങ്ങി സംസ്ഥാനങ്ങള്‍വിദേശ നാണ്യ കരുതല്‍ ശേഖരം രണ്ട് വര്‍ഷത്തെ താഴ്ചയിലെത്തുമെന്ന് റോയിട്ടേഴ്‌സ് പോള്‍തന്ത്രപ്രധാന മേഖലയിലെ ആദ്യ സ്വകാര്യവത്കരണം ടെലികോം രംഗത്ത് നിന്ന്

152 ബില്യൺ ഡോളറിന്റെ മികച്ച വരുമാനം നേടി വാൾമാർട്ട്

ഡൽഹി: ത്രൈമാസ വരുമാനത്തിൽ ഒരു കുതിച്ചുചാട്ടം റിപ്പോർട്ട് ചെയ്ത് വാൾമാർട്ട്. 2022 ജൂലൈ 31 ന് അവസാനിച്ച രണ്ടാം പാദത്തിലെ വരുമാനം മുൻ വർഷത്തെ അപേക്ഷിച്ച് 8.4 ശതമാനം വർധിച്ച് 152.9 ബില്യൺ ഡോളറായി ഉയർന്നതായി വാൾമാർട്ട് വരുമാന പ്രസ്താവനയിൽ അറിയിച്ചു.

അതേസമയം റീട്ടെയിൽ പ്രമുഖന്റെ ലാഭം 20.4 ശതമാനം ഉയർന്ന് 5.1 ബില്യൺ ഡോളറിലെത്തി. ലാഭത്തിലെ വർദ്ധനവ് ബ്രസീലിലെ ആസ്തി വിൽപ്പനയുമായി ബന്ധപ്പെട്ടിരിക്കുന്നതായി കമ്പനി അറിയിച്ചു. വാൾമാർട്ടിന്റെ യുഎസ് സ്റ്റോർ വിൽപ്പന ഒരു വർഷം മുമ്പുള്ളതിനേക്കാൾ 6.5 ശതമാനം ഉയർന്നു, എന്നാൽ 2022 ന്റെ രണ്ടാം പകുതിയിൽ കമ്പനി ഏകദേശം മൂന്ന് ശതമാനം വളർച്ച പ്രതീക്ഷിക്കുന്നു.

ഈ പണപ്പെരുപ്പ കാലയളവിൽ കൂടുതൽ ഉപഭോക്താക്കൾ വാൾമാർട്ട് തിരഞ്ഞെടുക്കുന്നത് കാണുന്നതിൽ സന്തോഷമുണ്ടെന്നും, അവരെ പിന്തുണയ്ക്കാൻ തങ്ങൾ കഠിനമായി പരിശ്രമിക്കുന്നതായും വാൾമാർട്ട് ചീഫ് എക്സിക്യൂട്ടീവ് ഓഫീസറായ ഡഗ് മക്മില്ലൺ ഒരു വാർത്താക്കുറിപ്പിൽ പറഞ്ഞു. വിതരണ ശൃംഖലയുടെ ചെലവ് നിയന്ത്രിക്കുന്നതിൽ കമ്പനി നല്ല പുരോഗതി കൈവരിച്ചുവെന്നും മക്മില്ലൺ പറഞ്ഞു.

X
Top