ഡൽഹി: സ്വതന്ത്ര വ്യാപാര ഉടമ്പടി (എഫ്ടിഎ) ചർച്ചകളുടെ ഭാഗമായി ഇന്ത്യയിലേക്കുള്ള ഇലക്ട്രിക് വാഹന (ഇവി) കയറ്റുമതിയിൽ താരിഫ് നിരക്ക് ക്വാട്ടകൾക്കായി യുകെ ആവശ്യപ്പെട്ടതായി റിപ്പോർട്ട് .ഒരു നിശ്ചിത തുക ഇറക്കുമതി ചെയ്യുന്ന ഒരു സംവിധാനമാണ് താരിഫ് നിരക്ക്.
2035 മുതൽ യൂറോപ്യൻ രാജ്യത്ത് പുതിയ പെട്രോൾ, ഡീസൽ കാറുകളുടെ വിൽപ്പന നിരോധിച്ചതോടെ ഇലക്ട്രിക് വാഹനങ്ങൾ കയറ്റുമതി ചെയ്യാൻ യുകെ പുതിയ വിപണികൾ തേടുന്നതായി ഉറവിടം അറിയിച്ചു.
യുകെയിൽ നിന്നുള്ള ചില ഇവികളുടെ ഇറക്കുമതി താരിഫ് കുറയ്ക്കാൻ ഇന്ത്യ നിർദ്ദേശിക്കുന്നുവെന്ന് ബ്ലൂംബെർഗ് റിപ്പോർട്ട് ചെയ്തിരുന്നു . ബ്ലൂംബെർഗ് റിപ്പോർട്ട് അനുസരിച്ച് , യുകെയിൽ നിന്ന് 80,000 ഡോളറിന് മുകളിലുള്ള വിലയുള്ള 2,500 ഇവികൾക്ക് 30 ശതമാനം ഇളവുള്ള താരിഫ് ഇന്ത്യ പരിഗണിച്ചിരുന്നു.
നിലവിൽ, 40,000 ഡോളർ വരെയുള്ള വാഹനങ്ങൾക്ക് 70 ശതമാനവും 40,000 ഡോളറിന് മുകളിലുള്ള വാഹനങ്ങൾക്ക് 100 ശതമാനവും ഇറക്കുമതി താരിഫ് നിരക്കാണ് ഏർപ്പെടുത്തിയിരിക്കുന്നത്.
ഇന്ത്യയും യുകെയും സ്വതന്ത്ര വ്യാപാര ഉടമ്പടി സംബന്ധിച്ച് കുറച്ചു കാലമായി ചർച്ചകൾ നടത്തിവരികയാണ്. അഭിപ്രായവ്യത്യാസങ്ങൾ പരിഹരിക്കുന്നതിന് “എല്ലാ തലങ്ങളിലും തുടർച്ചയായ കൈമാറ്റങ്ങൾ” നടന്നിട്ടുണ്ടെന്നും ചർച്ചകളുടെ വിപുലമായ ഘട്ടത്തിലണെന്നും ,എഫ്ടിഎ ചർച്ചകൾക്കായുള്ള ഇന്ത്യയുടെ ചീഫ് നെഗോഷ്യേറ്റർ ജോയിന്റ് സെക്രട്ടറി നിധി മണി ത്രിപാഠി പറഞ്ഞു .
ഇന്ത്യയും യുകെയും എഫ്ടിഎയിൽ ഒരു “ലാൻഡിംഗ് പോയിന്റ്” കണ്ടെത്തുമെന്ന് പ്രതീക്ഷിക്കുന്നു, അത് ഇരു രാജ്യങ്ങൾക്കും വേണ്ടി പ്രവർത്തിക്കും. വിദേശകാര്യ മന്ത്രി എസ് ജയശങ്കർ പറഞ്ഞു,
അഞ്ച് ദിവസത്തെ ഔദ്യോഗിക സന്ദർശനത്തിനായി യുകെയിൽ എത്തിയ വിദേശകാര്യ മന്ത്രി, മുൻ യുകെ പ്രധാനമന്ത്രി ഡേവിഡ് കാമറൂണുമായി കൂടിക്കാഴ്ച നടത്തി .
