കൊച്ചി: കഴിഞ്ഞ വർഷം ഇതേ പാദത്തിലെ 1,353.20 കോടി രൂപയുമായി താരതമ്യപ്പെടുത്തുമ്പോൾ ടെക് മഹീന്ദ്രയുടെ (ടെക്‌എം) ഏകീകൃത അറ്റാദായം 16.4 ശതമാനം ഇടിഞ്ഞ് 1,132 കോടി രൂപയായി കുറഞ്ഞു. അതേസമയം, അവലോകന പാദത്തിലെ കമ്പനിയുടെ വരുമാനം കഴിഞ്ഞ വർഷം ഇതേ പാദത്തിലെ 10,197.60 കോടി രൂപയേക്കാൾ 24.6 ശതമാനം ഉയർന്ന് 12,708 കോടി രൂപയായി. ഈ പാദത്തിലെ ഡോളർ വരുമാനം 1,632 മില്യൺ ഡോളറാണ്. സ്ഥിരമായ കറൻസി അടിസ്ഥാനത്തിൽ വരുമാന വളർച്ച 3.5 ശതമാനമാണ്. സ്ഥിരതയാർന്ന ജൈവവളർച്ച നൽകുന്നതിനുള്ള പുതുക്കിയ പ്രതിബദ്ധതയോടെയാണ് തങ്ങൾ ഈ സാമ്പത്തിക വർഷം ആരംഭിച്ചതെന്ന് ടെക് മഹിന്ദ്ര അറിയിച്ചു.
ഈ പാദത്തിലെ അറ്റ പുതിയ ഡീൽ വിജയങ്ങൾ 803 മില്യൺ ഡോളറാണ്, ഇത് മാർച്ച് പാദത്തിലെ 1,011 മില്യൺ ഡോളറിനേക്കാൾ കുറവായിരുന്നു, എന്നാൽ കഴിഞ്ഞ വർഷം ഇതേ പാദത്തിലെ ഡീൽ വിജയങ്ങൾ 815 മില്യൺ ഡോളറായിരുന്നു. ഈ പാദത്തിലെ ഇബിഐടിഡിഎ മാർജിൻ മുൻ പാദത്തിലെ 13.2 ശതമാനവും മുൻ വർഷത്തെ പാദത്തിലെ 15.2 ശതമാനവുമായി താരതമ്യം ചെയ്യുമ്പോൾ 11 ശതമാനമായി ഉയർന്നു. കൂടാതെ ഈ കാലയളവിൽ കമ്പനിയുടെ സോഫ്റ്റ്‌വെയർ പ്രൊഫഷണലുകളുടെ എണ്ണം 26 ശതമാനം ഉയർന്ന് 88,030 ആയി.
ഒരു ഇന്ത്യൻ മൾട്ടിനാഷണൽ ഐടി സേവന കൺസൾട്ടിംഗ് കമ്പനിയാണ് ടെക് മഹീന്ദ്ര ലിമിറ്റഡ്. മഹീന്ദ്ര ഗ്രൂപ്പിന്റെ ഭാഗമായ കമ്പനിയുടെ ആസ്ഥാനം പൂനെയിലാണ്. എന്നാൽ ഫല പ്രഖ്യാപനത്തിന് ശേഷം കമ്പനിയുടെ ഓഹരികൾ 0.63 ശതമാനത്തിന്റെ നഷ്ടത്തിൽ 1010 രൂപയിലാണ് വ്യാപാരം നടത്തുന്നത്.
