മുംബൈ: രാമനവമി പ്രമാണിച്ച് വ്യാഴാഴ്ച ഓഹരി വിപണി പ്രവര്ത്തിക്കില്ല. നാഷണല് സ്റ്റോക്ക് എക്സ്ചേഞ്ചിനും (എന്എസ്ഇ) ബോംബെ സ്റ്റോക്ക് എക്സ്ചേഞ്ചിനും (ബിഎസ്ഇ) ഇന്ന് അവധി ആയിരിക്കും.
ബോംബെ സ്റ്റോക്ക് എക്സ്ചേഞ്ച് പറയുന്നതനുസരിച്ച്, ഇക്വിറ്റി സെഗ്മെന്റ്, ഇക്വിറ്റി ഡെറിവേറ്റീവ് സെഗ്മെന്റ്, എസ്എല്ബി സെഗ്മെന്റ്, കറന്സി ഡെറിവേറ്റീവ് സെഗ്മെന്റ് എന്നിവ അടച്ചിടും. ഇതിനുപുറമെ, കമ്മോഡിറ്റി ഡെറിവേറ്റീവ് വിഭാഗവും ഇലക്ട്രോണിക് ഗോള്ഡ് രസീത് (ഇജിആര്) വിഭാഗവും പ്രവര്ത്തിക്കില്ല.
അതേസമയം, മള്ട്ടി കമ്മോഡിറ്റി ഡെറിവേറ്റീവ് സെഗ്മെന്റില് അവധി പകല് സെഷനില് ഒതുങ്ങും. അതായത് രാവിലെ 9:00 മുതല് വൈകീട്ട് 5:00 വരെ. വ്യാപാരം വൈകുന്നേരം സെഷനില് നടക്കും.
