മുംബൈ: 2026-27 സാമ്പത്തിക വർഷത്തെ ആദ്യ നാല് മാസത്തെ കണക്കുകൾ പ്രകാരം ഇന്ത്യയിലെ യു.പി.ഐ വളർച്ചാ വേഗത്തിൽ ഇടിവ് രേഖപ്പെടുത്തി. നാഷണൽ പെയ്മെന്റ്സ് കോർപ്പറേഷൻ ഓഫ് ഇന്ത്യ പുറത്തുവിട്ട കണക്കുകൾ പ്രകാരം 10 ശതമാനത്തിന്റെ കുറവാണ് ഉണ്ടായിരിക്കുന്നത്.
2026 ഏപ്രിൽ-ജൂലൈ കാലയളവിൽ 9,200 കോടി രൂപയുടെ ഇടപാടുകൾ നടന്നപ്പോൾ, കഴിഞ്ഞ സാമ്പത്തിക വർഷം ഇതേ കാലയളവിൽ ഇത് 7,450 കോടി രൂപയായിരുന്നു.
വളർച്ചാ നിരക്ക് മുൻവർഷത്തെ അപേക്ഷിച്ച് 33.5 ശതമാനത്തിൽ നിന്നും 23.5 ശതമാനത്തിലേക്ക് താഴ്ന്നു. കഴിഞ്ഞ സാമ്പത്തിക വർഷത്തിലെ മൊത്തം സാമ്പത്തിക വളർച്ച നിരക്കിൽ 30 ശതമാനം വളർച്ച രേഖപ്പെടുത്തിയിരുന്ന സ്ഥാനത്ത്, 2024-25 സാമ്പത്തിക വർഷത്തിൽ ഇത് 41 ശതമാനമായിരുന്നു.
യു.പി.ഐ ഇടപാടുകൾക്ക് വ്യാപാരികളിൽ നിന്നും ഫീസ് ഈടാക്കാനുള്ള ചർച്ചകൾ വിപണിയിൽ നേരിയ ആശയക്കുഴപ്പത്തിന് കാരണമായിട്ടുണ്ട്. ചെറുകിട വ്യാപാരികൾ ഇതിനെ എങ്ങനെ സ്വീകരിക്കുമെന്ന ആശങ്ക ഫിൻടെക് കമ്പനികൾക്കുമുണ്ട്.
കൂടുതൽ ഉപഭോക്താക്കളെ ആകർഷിക്കാൻ ക്യാഷ് ബാക്ക് ഓഫറുകളും പുതിയ ഫീച്ചറുകളും പെയ്മെന്റ് കമ്പനികൾ ആസൂത്രണം ചെയ്യുന്നുണ്ടെങ്കിലും, വരും മാസങ്ങളിലെ വിപണിയുടെ പ്രതികരണം മാത്രമായിരിക്കും യു.പി.ഐയുടെ ഭാവി വളർച്ചാ ഗതി നിർണ്ണയിക്കുക.
