അറ്റ പ്രത്യക്ഷ നികുതി പിരിവില്‍ 20 ശതമാനം വളര്‍ച്ചകേന്ദ്ര തൊഴിൽപദ്ധതി നടപ്പാക്കിയതിൽ തട്ടിപ്പെന്ന് സിഎജിനിതി ആയോഗിന്റെ സുസ്ഥിര വികസന സൂചികയിൽ കേരളം വീണ്ടും നമ്പർ വൺ2028-29 ഓടെ വിഴിഞ്ഞം തുറമുഖം പൂർണതോതിൽ പ്രവർത്തനക്ഷമമാകുമെന്ന് കരൺ അദാനിഭക്ഷ്യ വിലക്കയറ്റം രൂക്ഷമായതോടെ ജൂണിൽ നാണയപ്പെരുപ്പം 5.08 ശതമാനമായി

ഷാർജയിൽ പുതിയ വാതകശേഖരം കണ്ടെത്തി

ഷാർജ: അൽ സജാ വ്യവസായമേഖലയുടെ വടക്കുഭാഗത്തുള്ള അൽ ഹദീബ ഫീൽഡിൽ വലിയ അളവിൽ പ്രകൃതിവാതകശേഖരം കണ്ടെത്തിയതായി ഷാർജ പെട്രോളിയം കൗൺസിൽ (എസ്.പി.സി.) അറിയിച്ചു.

വ്യാവസായികാടിസ്ഥാനത്തിൽ ഉത്പാദനം തുടങ്ങിയാൽ യു.എ.ഇ.ക്ക് സാമ്പത്തികമായി വലിയ നേട്ടമുണ്ടാകുമെന്നാണ് കണക്കാക്കുന്നത്.

ഷാർജ നാഷണൽ ഓയിൽ കോർപ്പറേഷന്റെ നേതൃത്വത്തിൽ കഴിഞ്ഞ കുറച്ചുമാസങ്ങളായി ഇവിടെ നടത്തിയ ഖനനത്തിലാണ് പുതിയ ‌വാതകശേഖരം കണ്ടെത്തിയത്. ഇതിന്റെ അളവ് കണ്ടെത്തുന്നതിനുള്ള നടപടികൾ വരുംദിവസങ്ങളിൽ നടക്കുമെന്ന് അധികൃതർ അറിയിച്ചു.

ഷാർജയിലെ അഞ്ചാമത്തെ വാതകപ്പാടമാണ് പുതുതായി കണ്ടെത്തിയ അൽ ഹദീബ. അൽ സജാ, കാഹീഫ്, മഹനി, മുഐദ് (വാതകസംഭരണ പാടം) എന്നിവയാണ് നിലവിലുള്ള വാതകപ്പാടങ്ങൾ.

നേരത്തേ ദുബായിക്കും അബുദാബിക്കുമിടയിൽ വൻ പ്രകൃതിവാതകശേഖരം കണ്ടെത്തിയിരുന്നു.

80 ട്രില്യൺ ക്യുബിക് അടി ശേഖരമാണ് ഇവിടെ കണ്ടെത്തിയത്. ഒന്നരപ്പതിറ്റാണ്ടിനിടയിലെ ഏറ്റവുംവലിയ പര്യവേക്ഷണവിജയം കൂടിയായിരുന്നു അത്.

X
Top