Alt Image
കൊച്ചിയിൽ നിന്ന് 4 ചാർട്ടേഡ് വിമാനങ്ങൾ; യുദ്ധകാലത്ത് ലുലു ഗൾഫിലെത്തിച്ചത് 5200 ടൺ പച്ചക്കറി ◆ എണ്ണപ്പിണ്ണാക്കിന്‍റെ കയറ്റുമതിയിൽ ഇടിവ് ◆ പുനരുപയോഗ ഊർജമേഖലയിൽ വൻ നിക്ഷേപം; 4 വർഷത്തിനുള്ളിൽ ഇന്ത്യ നേടുക 22.5 ലക്ഷം കോടി ലാഭം ◆ എഥനോൾ പെട്രോൾ വിവാദം: വിശദമായി വിലയിരുത്താൻ ഉന്നതതല യോഗം വിളിച്ച് പെട്രോളിയം മന്ത്രാലയം ◆ സ്വർണവില കുതിച്ചുയരുമെന്ന് ജെ പി മോർഗൻ; വർഷാവസാനത്തോടെ 46% വർധിക്കുമെന്ന് പ്രവചനം ◆

പേജ് ഇൻഡസ്ട്രീസിന് 207 കോടിയുടെ മികച്ച ലാഭം

മുംബൈ: 2023 സാമ്പത്തിക വർഷത്തിലെ ഒന്നാം പാദത്തിൽ 207.04 കോടി രൂപയുടെ അറ്റാദായം രേഖപ്പെടുത്തി പേജ് ഇൻഡസ്ട്രീസ്. ഇതോടെ വെള്ളിയാഴ്ച കമ്പനിയുടെ ഓഹരികൾ 1.79 ശതമാനം ഉയർന്ന് ആദ്യമായി 50000.70 രൂപയിലെത്തി. ഇതേ കാലയളവിലെ പ്രവർത്തനങ്ങളിൽ നിന്നുള്ള വരുമാനം 167.4% വർധിച്ച് 1,341.27 കോടി രൂപയായി. മുൻ വർഷം ഇതേ പാദത്തിൽ ഇത് 501.54 കോടി രൂപയായിരുന്നു.

നികുതിക്ക് മുമ്പുള്ള കമ്പനിയുടെ ലാഭം കഴിഞ്ഞ വർഷം ഇതേ കാലയളവിലെ 14.51 കോടി രൂപയിൽ നിന്ന് 274.56 കോടി രൂപയായി ഉയർന്നു. ഉപയോഗിക്കുന്ന മെറ്റീരിയലിന്റെ വില ഉയർന്നതും ജീവനക്കാരുടെ ആനുകൂല്യ ചെലവുകൾ വർധിച്ചതും മൂലം പേജ് ഇൻഡസ്ട്രീസിന്റെ മൊത്തം ചെലവുകൾ 118.11% ഉയർന്ന് 10,699.93 കോടി രൂപയായി.

ഇബിഐടിഡിഎ 771 ശതമാനം ഉയർന്ന് 297.8 കോടി രൂപയായപ്പോൾ ഇബിഐടിഡിഎ മാർജിൻ 22.2 ശതമാനമായി ആയി മെച്ചപ്പെട്ടു. ഇന്ത്യ, ശ്രീലങ്ക, ബംഗ്ലാദേശ്, നേപ്പാൾ, ഒമാൻ, ഖത്തർ, മാലിദ്വീപ്, ഭൂട്ടാൻ, യുഎഇ എന്നിവിടങ്ങളിൽ ജോക്കി ബ്രാൻഡിന്റെ നിർമ്മാണത്തിനും വിതരണത്തിനും വിപണനത്തിനുമുള്ള ജോക്കി ഇന്റർനാഷണൽ ഇങ്കിന്റെ എക്‌സ്‌ക്ലൂസീവ് ലൈസൻസിയാണ് പേജ് ഇൻഡസ്ട്രീസ്.

ഇന്ത്യയിലെ സ്പീഡോ ബ്രാൻഡിന്റെ നിർമ്മാണത്തിനും വിപണനത്തിനും വിതരണത്തിനുമുള്ള സ്പീഡോ ഇന്റർനാഷണൽ ലിമിറ്റഡിന്റെ എക്‌സ്‌ക്ലൂസീവ് ലൈസൻസും കമ്പനിക്കുണ്ട്.

X
Top