സംസ്ഥാനത്തെ എല്ലാ പമ്പുകളിലും 15% എഥനോൾ ചേർത്ത പെട്രോൾഅഞ്ച് വര്‍ഷത്തിനുള്ളില്‍ ഭവനവായ്പ വിപണി ഇരട്ടിയിലധികം വളർച്ച നേടുംഇന്ത്യയുടെ വളർച്ച ഏഴ് ശതമാനത്തിലേക്ക് ഉയരുമെന്ന് ഐഎംഎഫ്ഇന്ത്യയിൽ നിന്നുള്ള സ്വർണ, വജ്ര കയറ്റുമതിയിൽ ഇടിവ്ക്രൂഡ് ഓയിൽ വില ഉയർന്നു നിൽക്കുന്നതിനിടെ ഇന്ത്യ വിൻഡ്ഫാൾ നികുതി വർധിപ്പിച്ചു

വിപണി വിഹിതത്തിൽ മേൽക്കൈ നേടാനായി നാഷണൽ സ്റ്റോക്ക് എക്സ്ചേഞ്ചിന്റെ പുതിയ നീക്കം; 250 രൂപയിൽ താഴെ വിലയുള്ള ഓഹരികളുടെ ടിക് സൈസ് 1 പൈസയാക്കുന്നു

മുംബൈ: ഇന്ത്യയിലെ പ്രമുഖ സ്റ്റോക്ക് എക്സ്ചേഞ്ചുകളിൽ ഒന്നായ നാഷണൽ സ്റ്റോക്ക് എക്സ്ചേഞ്ച് (NSE) പുതിയ ഒരു ചുവടുമായി മുന്നോട്ടു വന്നിരിക്കുന്നു. വില 250 രൂപയിൽ താഴെയുള്ള ഓഹരികളുടെ ടിക് സൈസ് (Tick size) 1 പൈസയാക്കി മാറ്റാനാണ് എൻഎസ്ഇ ഒരുങ്ങുന്നത്.

ഓഹരി വാങ്ങാനുള്ള വിവിധ ബിഡ് പ്രൈസുകൾക്കും, വില്പനയ്ക്കുള്ള വിവിധ ഓഫർ പ്രൈസുകൾക്കും ഇടയിലുള്ള മിനിമം വില വ്യതിയാനമാണ് ടിക് സൈസ് എന്നത് കൊണ്ട് ഉദ്ദേശിക്കുന്നത്. പുതിയ സംവിധാനം ജൂൺ 10 മുതൽ നടപ്പാകും.

ടിക് സൈസ് എന്നാൽ എന്ത്?
തുടർച്ചയായി നൽകപ്പെടുന്ന ബിഡ് പ്രൈസ്, ഓഫർ പ്രൈസ് എന്നിവ വഴിയാണ് ഓഹരി വ്യാപാരം നടക്കുന്നത്. ലളിതമാക്കിയാൽ വാങ്ങൽ വില, വില്പന വില എന്നിവയാണ് ഇവിടെ ഉദ്ദേശിക്കുന്നത്. ഇത്തരത്തിൽ തുടർച്ചയായ ബിഡ്-ഓഫർ വിലകൾ തമ്മിലുള്ള കുറഞ്ഞ വില വ്യതിയാനമാണ് (Minimum price difference) ടിക് സൈസ് എന്നതു കൊണ്ട് അർത്ഥമാക്കുന്നത്.

ഉദാഹരണത്തിന് ഒരു ഓഹരിയുടെ ടിക് സൈസ് 0.05 രൂപയാണെന്ന് കരുതുക. ഓഹരിവില (Last Traded Price -LTP) 100 രൂപയാണെന്നും അനുമാനിക്കുക. ഇവിടെ, ഓഹരിയുടെ അടുത്ത അഞ്ച് ഉയർന്ന ബിഡ് നിലവാരങ്ങൾ യഥാക്രമം 99.95 രൂപ, 99.90 രൂപ, 99.85 രൂപ, 99.80 രൂപ, 99.75 രൂപ എന്നിങ്ങനെയായിരിക്കും.

ഇവിടെ ബിഡ് പ്രൈസ് 99.87 രൂപയാകുന്നില്ല എന്നത് ശ്രദ്ധിക്കുക. ടിക് സൈസ് 0.05 ആയതിനാൽ ആ മാനദണ്ഡം പാലിക്കപ്പെടുന്നില്ല എന്നതിനാലാണ് 99.87 പോലെയുള്ള ഫിഗറുകൾ ബിഡ് പ്രൈസ് ആയി വരാത്തത്.

ടിക് സൈസ് കുറയ്ക്കുന്നത് ലിക്വിഡിറ്റി വർധിക്കുന്നതിനും, വിപണി വിലയിലെ അന്തരം കുറച്ച് ഫ്ലെക്സിബിലിറ്റി വർധിപ്പിക്കുന്നതിനും സഹായകമാകുമെന്ന് ബ്രോക്കിങ് സ്ഥാപനങ്ങൾ വിലയിരുത്തുന്നുണ്ട്.

കുറഞ്ഞ ടിക് സൈസ് ലഭ്യമാകുമ്പോൾ കൂടുതൽ ട്രേഡിങ് സ്ട്രാറ്റജികൾ പ്രായോഗികമാക്കാൻ ട്രേഡർമാർക്ക് അവസരം വർധിക്കുന്നു എന്നതാണ് കാരണം.

പുതിയ ഒരു സർക്കുലറിലൂടെയാണ് എൻ.എസ്.ഇ ടിക് സൈസ് സംബന്ധിച്ച പുതിയ പ്രഖ്യാപനം നടത്തിയത്. എക്സ്ചേഞ്ച് ട്രേഡഡ് ഫണ്ടുകൾ (ETF) ഒഴികെ, 250 രൂപയിൽ താഴെ ഓഹരിവിലയുള്ള എല്ലാ സെക്യൂരിറ്റികളുടെയും ടിക് സൈസ്, നിലവിലെ 0.05 രൂപയിൽ നിന്നും 0.01 രൂപയാകുമെന്നാണ് അറിയിച്ചിരിക്കുന്നത്.

ഓരോ സെക്യൂരിറ്റികളുടെയും ടിക് സൈസ്, എക്സ്ചേഞ്ച് പ്രതിമാസ അടിസ്ഥാനത്തിൽ റിവ്യൂ ചെയ്യും. അതാത് മാസത്തെ അവസാന വ്യാപാര ദിനത്തിലെ ക്ലോസിങ് പ്രൈസ് അടിസ്ഥാനമാക്കിയായിരിക്കും വരാനിരിക്കുന്ന മാസത്തെ ബാധകമാകുന്ന ടിക് സൈസ് തീരുമാനിക്കുക.

ക്യാഷ് മാർക്കറ്റ് സെഗ്മെന്റിലെ സ്റ്റോക്ക് ഫ്യൂച്ചറുകൾക്കും സെക്യൂരിറ്റികളുടെ (Underlying security) ഇതേ ടിക് സൈസായിരിക്കും ബാധകമായിരിക്കുക.

എന്തു കൊണ്ട് പുതിയ തീരുമാനം?
വിപണി വിഹിതത്തിൽ മേൽക്കൈ നേടുന്നതിന് വേണ്ടി ബി.എസ്.ഇ, എൻ.എസ്.ഇ എക്സ്ചേഞ്ചുകൾ തമ്മിലുള്ള മത്സരം ഇപ്പോൾ തീവ്ര സ്വഭാവം കൈവരിച്ചിരിക്കുന്നതായി വിലയിരുത്തപ്പെടുന്നു.

കഴിഞ്ഞ വർഷം മാർച്ചിൽ, 100 രൂപയിൽ താഴെ വിലയുള്ള ഓഹരികൾക്കായി 1 പൈസ ടിക് സൈസ് എന്ന രീതി ബി.എസ്.ഇ നടപ്പാക്കിയിരുന്നു. ഇതിന് മുമ്പ് 15 രൂപയ്ക്ക് മുകളിലുള്ള എല്ലാ ഓഹരികളുടെയും ടിക് സൈസ് 5 പൈസ എന്ന തോതിലായിരുന്നു.

ബി.എസ്.ഇയുമായി പ്രൈസ് മൂവ്മെന്റിൽ കൂടുതൽ ഏകതാനത കൈവരിക്കാൻ എൻ.എസ്.ഇയുടെ പുതിയ തീരുമാനം സഹായകമാകുമെന്ന് ചില ബ്രോക്കർമാർ വിലയിരുത്തുന്നു.

അതേ സമയം ബി.എസ്.ഇയുമായി ഉള്ള മത്സരത്തിൽ വിപണി വിഹിതം നഷ്ടപ്പെടാതിരിക്കാനുള്ള പ്രതിരോധമായി മറ്റ് ചില ബ്രോക്കിങ് സ്ഥാപനങ്ങൾ പുതിയ ചുവടിനെ വിലയിരുത്തുന്നുമുണ്ട്.

ക്യാഷ് മാർക്കറ്റിൽ 2023ൽ ബി.എസ്.ഇയുടെ വിപണി വിഹിതം 7% എന്ന തോതിലായിരുന്നു. 2024ൽ ഇത് 8% എന്ന നിലയിലേക്ക് ഉയർന്നു. പ്രതിദിനാടിസ്ഥാനത്തിലുള്ള ശരാശരി ടേണോവർ (Average daily turnover) അടിസ്ഥാനമാക്കിയുള്ള വർധനയാണിത്.

അതേ സമയം ഫ്യൂച്ചേഴ്സ് & ഓപ്ഷൻസ് വിഭാഗത്തിൽ (F&O segment) ബി.എസ്.ഇയുടെ വിപണി വിഹിതം മികച്ച തോതിൽ വർധന നേടുന്നുമുണ്ട്. ഈ സെഗ്മെന്റിൽ പ്രതിദിനാടിസ്ഥാനത്തിലുള്ള ശരാശരി ടേണോവർ 2023 വർഷത്തിൽ 6 ലക്ഷം കോടി രൂപയായിരുന്നു.

2024ൽ ഇത് 78 ലക്ഷം കോടിയായി വർധന നേടി. അതായത് 2023 വർഷത്തിൽ 5.3% എന്ന തോതിലായിരുന്ന വിപണി വിഹിതം, ഈ വർഷം 17% എന്ന തോതിൽ വർധിച്ചു.

X
Top