മുംബൈ: തുടര്ച്ചയായ ആറാം ദിവസവും ബെഞ്ച്മാര്ക്ക് സൂചികകള് നഷ്ടത്തിലായി. നിഫ്റ്റി നിര്ണ്ണായകമായ 16,900 ല് താഴെയെത്തുന്നതിനും വിപണി സാക്ഷിയായി. 0.87 ശതമാനം താഴ്ന്ന് 16,858.60 ത്തില് സൂചിക ക്ലോസ് ചെയ്യുകയായിരുന്നു.
സെന്സെക്സ് 509.24 (0.89 %) കുറവില് 56,598.28 ലെവലിലെത്തി. മൊത്തം 1296 ഓഹരികള് മുന്നേറിയപ്പോള് 2039 എണ്ണമാണ് ഇടിവ് രേഖപ്പെടുത്തിയത്. 103 ഓഹരികളുടെ വിലയില് മാറ്റമില്ല.
ഹിന്ഡാല്കോ ഇന്ഡസ്ട്രീസ്, ജെഎസ്ഡബ്ല്യു സ്റ്റീല്, ഐടിസി, ആക്സിസ് ബാങ്ക്, റിലയന്സ് ഇന്ഡസ്ട്രീസ് എന്നിവ നഷ്ടം വരിച്ച ഓഹരികളില് പെടുന്നു. ഏഷ്യന് പെയിന്റ്സ്, സണ്ഫാര്മ, ഡോ.റെഡ്ഡി ലാബ്സ്, ഐഷര് മോട്ടോഴ്സ്, പവര്ഗ്രിഡ് എന്നിവയാണ് നേട്ടമുണ്ടാക്കിയ പ്രമുഖ സ്റ്റോക്കുകള്. ഊര്ജ്ജം, ബാങ്ക്, മെറ്റല് എന്നിവ 1-2 ശതമാനം ഇടിവ് നേരിടുന്നതും വിപണി കണ്ടു.
എന്നാല് ഫാര്മ അര ശതമാനം ഉയര്ന്നു. ബിഎസ്ഇ മിഡ്ക്യാപ്പ്,സ്മോള്ക്യാപ്പ് സൂചികകള് 0.4 ശതമാനമാണ് ദുര്ബലമായത്.
