10 വര്‍ഷ ബോണ്ട് ആദായം മൂന്ന് മാസത്തെ ഉയര്‍ന്ന നിലയില്‍സേവന മേഖല വികാസം ആറ് മാസത്തെ താഴ്ന്ന നിലയില്‍ഇന്ത്യയിലേയ്ക്കുള്ള ക്രൂഡ് ഓയില്‍ ഇറക്കുമതിയിൽ റഷ്യ രണ്ടാമതെത്തിആഗോള സൂചികയില്‍ ഇടം നേടാനാകാതെ ഇന്ത്യന്‍ ബോണ്ടുകള്‍രാജ്യത്തിനുള്ളത് മതിയായ വിദേശ നാണ്യ കരുതല്‍ ശേഖരം – വിദഗ്ധര്‍

ഡി2സി ബ്രാൻഡുകളിൽ നിന്ന് 500 കോടിയുടെ വരുമാനം ലക്ഷ്യമിട്ട് മാരിക്കോ

ഡൽഹി: ഡി2സി ബ്രാൻഡുകളിൽ നിന്ന് 500 കോടി രൂപയുടെ വരുമാനം ലക്ഷ്യമിട്ട് മാരിക്കോ ലിമിറ്റഡ്. അടുത്ത രണ്ട് വർഷത്തിനുള്ളിൽ ഡയറക്‌ട് ടു കൺസ്യൂമർ (ഡി2സി) ബ്രാൻഡുകളിൽ നിന്ന് 500 കോടി രൂപയുടെ ബിസിനസ് നടത്താനാണ് മാരിക്കോ ലക്ഷ്യമിടുന്നതെന്ന് ചെയർമാൻ ഹർഷ് മാരിവാല പറഞ്ഞു. ഡി2സി ബ്രാൻഡുകളുടെ കടന്ന് വരവ് ഇന്ത്യയിലെ എഫ്എംസിജി മേഖലയ്ക്ക് കാര്യമായ തടസ്സം സൃഷ്ട്ടിച്ചതായി മാരിവാല വിശ്വസിക്കുന്നു.

അതേസമയം ബിസിനസ്സ് കൂടുതൽ വളർത്താൻ ഡിജിറ്റൽ മാർക്കറ്റിംഗും ഇ-കൊമേഴ്‌സും കമ്പനികളെ സഹായിക്കുന്നതായി അദ്ദേഹം അഭിപ്രായപ്പെട്ടു. കൂടാതെ കമ്പനി മൂന്ന് ഡി2സി ബ്രാൻഡുകളെ ഏറ്റെടുത്തതായും അടുത്ത രണ്ട് വർഷത്തിനുള്ളിൽ അവയിൽ നിന്ന് 500 കോടി രൂപയുടെ വരുമാനം ലഭിക്കുമെന്ന് പ്രതീക്ഷിക്കുന്നതായും ഒരു പ്രത്യേക അഭിമുഖത്തിൽ മാരിവാല പറഞ്ഞു.

ആഗോള ബ്യൂട്ടി ആന്റ് വെൽനസ് മേഖലയിൽ പ്രവർത്തിക്കുന്ന ഇന്ത്യയിലെ മുൻനിര ഉപഭോക്തൃ ഉൽപ്പന്ന കമ്പനികളിലൊന്നാണ് മാരിക്കോ ലിമിറ്റഡ്. പാരച്യൂട്ട്, സഫോള, ഹെയർ ആൻഡ് കെയർ, നിഹാർ നാച്ചുറൽസ്, മെഡിക്കർ, ലിവോൺ തുടങ്ങിയ ബ്രാൻഡുകൾ മാരികോയുടെ ഉടമസ്ഥതയിലാണ്.

X
Top