Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

ലൈഫ് ഇന്‍ഷുറന്‍സ് മേഖല വരും വർഷങ്ങളിൽ വളരുമെന്ന് സർവേ

ചെന്നൈ: വരുന്ന മൂന്നു മുതല്‍ അഞ്ചു വരെ വര്‍ഷങ്ങളില്‍ രാജ്യത്തെ ലൈഫ് ഇന്‍ഷുറന്‍സ് രംഗം 12-15 ശതമാനം വാര്‍ഷിക വളര്‍ച്ച കൈവരിക്കുമെന്നാണ് പ്രതീക്ഷിക്കുന്നത്. രാജ്യത്തെ ഇന്‍ഷുറന്‍സ് സാന്ദ്രതയില്‍ 2001-02 മുതല്‍ 2020-21 വരെ 1.49 ശതമാനം വളര്‍ച്ച മാത്രമാണ് ഉണ്ടായത്. 2021-22 വര്‍ഷത്തെ സാമ്പത്തിക സര്‍വേ പ്രകാരം ലൈഫ് ഇന്‍ഷുറന്‍സ് മേഖല 2020 വര്‍ഷത്തില്‍ 3.2 ശതമാനം വളര്‍ച്ച സാന്ദ്രതയുടെ കാര്യത്തില്‍ കൈവരിച്ചിട്ടുണ്ട്.
ഡിജിറ്റലൈസേഷന്‍, പേഴ്സണലൈസേഷന്‍ രംഗങ്ങളില്‍ ഇന്‍ഷുറന്‍സ് കമ്പനികള്‍ നടത്തുന്ന നീക്കങ്ങള്‍ ഉപഭോക്തൃ കേന്ദ്രീകൃതമായ വളര്‍ച്ചയ്ക്ക് സഹായകമാകുമെന്ന് എക്സൈഡ് ലൈഫ് ഇന്‍ഷുറന്‍സ് ചീഫ് സ്ട്രാറ്റജി ഓഫീസര്‍ സഞ്ജയ് തിവാരി പറഞ്ഞു. ഉപഭോക്താക്കള്‍ക്ക് ഏറ്റവും അനുയോജ്യമായ പദ്ധതി ലഭിക്കുവാന്‍ ഇതു സഹായിക്കുമെന്നും അദ്ദേഹം കൂട്ടിച്ചേര്‍ത്തു.
എക്സൈഡ് ലൈഫ് ഡിജിറ്റല്‍ ഇ-സെയില്‍സ് സംവിധാനം വ്യക്തിഗത സേവനങ്ങൾക്കായി ഒരുക്കിയിട്ടുണ്ട്. പുതിയ പ്രൊപ്പോസലുകളില്‍ 95 ശതമാനവും ഈ ഡിജിറ്റല്‍ സംവിധാനത്തിലൂടെയാണ് ലോഗിന്‍ ചെയ്യുന്നത്.

X
Top