ബെംഗളൂരു: ശ്രീഹരിക്കോട്ടയില് ഒരുങ്ങുന്ന ആദിത്യ എല്-1 മിഷന് ആണ് തങ്ങളുടെ അടുത്ത ദൗത്യമെന്ന് ഐഎസ്ആര്ഒ മേധാവി എസ്.സോമനാഥ്. സെപ്റ്റംബര് ആദ്യ വാരം ഇത് വിക്ഷേപിക്കുമെന്നും സോമനാഥ് അറിയിച്ചു.
സൂര്യനെ കുറിച്ച് പഠിക്കുന്ന ഇന്ത്യയുടെ ആദ്യ ദൗതമാണ് ആദിത്യ എല്-1. ഭൂമിയില് നിന്ന് ഏകദേശം 1.5 ദശലക്ഷം കിലോമീറ്റര് അകലെയുള്ള സൂര്യ-ഭൗമ വ്യവസ്ഥയുടെ ലാഗ് റേഞ്ചിയന് പോയിന്റ് 1 (Lagrangian Point 1- L1) ലെ ഹാലോ ഭ്രമണപഥത്തിലാകും പേടകത്തെ നിക്ഷേപിക്കുക.
ശ്രഹരിക്കോട്ടയില് ആദിത്യ എല്-1 ന്റെ വിക്ഷേപണ ദൗത്യം ആരംഭിച്ചതായാണ് എസ്.സോമനാഥ് അറിയിച്ചത്. ചന്ദ്രയാന്-3 ദൗത്യം വിജകരമായി പൂര്ത്തീകരിച്ച ശേഷമായിരുന്നു ഐഎസ്ആര്ഒ മേധാവിയുടെ പ്രതികരണം.
സൗര ദൗത്യത്തെ കുറിച്ച് പ്രധാനമന്ത്രി നരേന്ദ്ര മോദിയും തന്റെ പ്രസംഗത്തില് പരാമര്ശിച്ചിട്ടുണ്ട്. ഐഎസ്ആര്ഒ ആദിത്യ എല്-1 ഉടന് വിക്ഷേപിക്കുമെന്ന് പ്രധാനമന്ത്രിയും അറിയിച്ചു.
ഇത് നമുക്കെല്ലാവര്ക്കും അഭിമാനകരമായ നിമിഷമാണ്. ചന്ദ്രനില് ചന്ദ്രയാന് സോഫ്റ്റ് ലാന്ഡിങ് നടത്തിയിരിക്കുകയാണ്.
ഇന്ത്യയെ സംബന്ധിച്ച് സാങ്കേതിക രംഗത്ത് അതിന്റെ കഴിവ് പ്രകടിപ്പിക്കിലാണ് സോമനാഥ് കൂട്ടിച്ചേര്ത്തു.
