കൊച്ചി: കാര്‍ഷികോല്‍പ്പന്നങ്ങളുടെ ഇറക്കുമതി, കയറ്റുമതി, വ്യാപാരം എന്നിവയുള്‍പ്പെടെയുള്ള കാര്‍ഷികോല്‍പ്പന്ന ബിസിനസില്‍ ഏര്‍പ്പെട്ടിരിക്കുന്ന ഐഎഫ്എല്‍ എന്റര്‍പ്രൈസസ് ലിമിറ്റഡ റൈറ്റ് ഇഷ്യുവിന്.
49.14 കോടി രൂപ സമാഹരിക്കാന്‍ ലക്ഷ്യമിടുന്ന ഇഷ്യൂ ഈ മാസം 19ന് സബ്സ്ക്രിപ്ഷനായി തുറക്കും. ജൂണ്‍ 30 വരെ തുറന്നിരിക്കുകയും ചെയ്യും.
നിലവിലുള്ള ഓഹരി ഉടമകള്‍ക്ക് കമ്പനിയില്‍ അവരുടെ ഇക്വിറ്റി വര്‍ദ്ധിപ്പിക്കാന്‍ അവസരം നല്‍കുന്ന ഒരു ഓഹരിക്ക് 1 രൂപ എന്ന നിരക്കിലാണ് അവകാശ ഓഹരി വില്‍പ്പനയുടെ ആകര്‍ഷകമായ വില.
ജൂണ്‍ 13 ലെ റെക്കോര്‍ഡ് തീയതി പ്രകാരം ഇക്വിറ്റി ഓഹരികള്‍ കൈവശം വച്ചിരിക്കുന്ന ഓഹരി ഉടമകള്‍ക്ക്, പൂര്‍ണ്ണമായും അടച്ചുതീര്‍ത്ത ഓരോ 91 ഇക്വിറ്റി ഓഹരികള്‍ക്കും 60 റൈറ്റ്‌സ് ഇക്വിറ്റി ഓഹരികള്‍ എന്ന അനുപാതത്തില്‍ റൈറ്റ്‌സ് ഓഹരികള്‍ക്ക് അപേക്ഷിക്കാന്‍ അര്‍ഹതയുണ്ടായിരിക്കും.
ഒരു രൂപ മുഖവിലയുള്ള 49,14,76,620 പൂര്‍ണ്ണമായും അടച്ചുതീര്‍ത്ത ഇക്വിറ്റി ഓഹരികളാണ് റൈറ്റ്‌സ് ഇഷ്യുവില്‍ അടങ്ങിയിരിക്കുന്നത്, മൊത്തം 49.14 കോടി രൂപ. ഇഷ്യുവില്‍ നിന്നുള്ള വരുമാനം കമ്പനിയുടെ സാമ്പത്തിക സ്ഥിതി ശക്തിപ്പെടുത്തുന്നതിനും പൊതു കോര്‍പ്പറേറ്റ് ആവശ്യങ്ങള്‍ക്ക് പിന്തുണ നല്‍കുന്നതിനും ഉപയോഗിക്കും.
പ്രവര്‍ത്തന കാര്യക്ഷമത വര്‍ദ്ധിപ്പിക്കുന്നതിനും സേവന ശേഷികള്‍ വികസിപ്പിക്കുന്നതിനും ലക്ഷ്യമിട്ട് പുതുതായി നിയമിതനായ മാനേജിംഗ് ഡയറക്ടര്‍ അഭിഷേക് പ്രതാപ്കുമാര്‍ തക്കറിന്റെ നേതൃത്വത്തില്‍ കമ്പനിയുടെ തന്ത്രപരമായ നിര്‍ദ്ദേശപ്രകാരമാണ് ഈ മൂലധന സമാഹരണം.
