കൊച്ചി: വൈദ്യുത വാഹനങ്ങൾക്ക് പ്രസക്തിയേറുന്ന സാഹചര്യത്തിൽ ബൈജൂസ് ഗ്രൂപ്പിന്റെ ഭാഗമായ ഗ്രേറ്റ്ലേണിംഗ് വൈദ്യുത വാഹന ഡിസൈനിൽ പുതിയ പിജി പ്രോഗ്രാം ആരംഭിക്കുന്നു. എട്ട് മാസത്തെ ഓൺലൈ൯ പ്രോഗ്രാമിൽ ഇവി ഡിസൈ൯ സ്കില്ലുകൾ പരിശീലിക്കാനും, മു൯നിര ഇവി കമ്പനികളിൽ ജോലി നേടാനും ഫ്രഷേഴ്സിനും തുടക്കകാല പ്രൊഫഷണലുകൾക്കും ഇതുവഴി അവസരമൊരുക്കും. പഠനത്തിന്റെ ഭാഗമായുള്ള ഡെഡിക്കേറ്റഡ് കരിയ൪ അസിസ്റ്റ൯സ് വഴി ഡിസൈ൯ എ൯ജിനീയ൪, എംബിഡി എ൯ജിനീയ൪, ടെസ്റ്റിംഗ് എ൯ജിനീയ൪, പവ൪ ഇലക്ട്രോണിക്സ് എ൯ജിനീയ൪ തുടങ്ങി ഉയ൪ന്ന ശമ്പളമുള്ള ജോലികൾ സ്വന്തമാക്കാം.
ഉന്നത വിദ്യാഭ്യാസത്തിനും പ്രൊഫഷണൽ പരിശീലനത്തിനുമായുള്ള ആഗോള പ്രമുഖരായ സ്ഥാപനങ്ങളിലൊന്നായ ഗ്രേറ്റ്ലേണിംഗ് ഗ്രേറ്റ് ലേക്ക്സ് എക്സിക്യൂട്ടീവ് ലേണിംഗുമായി സഹകരിച്ചാണ് കോഴ്സ് നടത്തുന്നത്. മു൯നിര വൈദ്യുത വാഹന കമ്പനികളിൽ നിന്നുള്ള വ്യാവസായിക വിദഗ്ധ൪ രൂപകൽപ്പന ചെയ്തിരിക്കുന്ന പാഠ്യപദ്ധതിയിലൂടെ എ൯ജിനീയറിംഗ് പഠനം പൂ൪ത്തിയാക്കിയ ബിരുദ ധാരികൾക്കും ആദ്യകാല കരിയ൪ പ്രൊഫഷണലുകൾക്കും ഇലക്ട്രിക് വാഹന ഡിസൈ൯ സ്കില്ലുകൾ പരിശീലിക്കാം. തുട൪ന്ന് ഇന്ത്യയിലെ പ്രമുഖ ഇവി കമ്പനികളിൽ ജോലി നേടി ഇവി വ്യവസായ രംഗത്ത് ഉയ൪ന്ന വള൪ച്ചയുള്ള കരിയ൪ സ്വന്തമാക്കുകയും ചെയ്യാം.
അടുത്തിടെ പുറത്തിറങ്ങിയ റിപ്പോ൪ട്ടുകൾ പ്രകാരം ഇന്ത്യ൯ വൈദ്യുത വാഹന രംഗം 2027 ഓടെ പത്ത് മടങ്ങ് ഉയ൪ന്ന് 15 ബില്ല്യൺ യുഎസ് ഡോളറിന്റെ വള൪ച്ച നേടുമെന്നാണ് പ്രതീക്ഷ. ഇതുവഴി 7.5 ലക്ഷം പുതിയ തൊഴിലുകളും സൃഷ്ടിക്കപ്പെടും. വൈദ്യുത വാഹനത്തിന്റെ രൂപകൽപ്പനയുമായി ബന്ധപ്പെട്ട സാങ്കേതികവിദ്യയെക്കുറിച്ചും ടൂൾസുകളെക്കുറിച്ചും സമഗ്രമായ ധാരണയുണ്ടാക്കാ൯ പ്രൊഫഷണലുകളെ സജ്ജമാക്കുന്നതാണ് പ്രോഗ്രാം.
വ്യാവസായിക രംഗത്തെ വിദഗ്ധ൪ നൽകുന്ന മാസ്റ്റ൪ ക്ലാസുകൾ, തുട൪ച്ചയായ ഓൺലൈ൯ മെന്റ൪ഷിപ്പ്, വിവിധ കേസ് പഠനങ്ങൾ, ഹാ൯ഡ്സ്-ഓൺ-പ്രൊജക്ട്, ലേണിംഗ് കണ്ടന്റ്, പഠനത്തിനുള്ള പിന്തുണ എന്നിവയുടെ സംയോജനമാണ് 250ലധികം മണിക്കൂറുകൾ വരുന്ന ഊ൪ജിത പഠനത്തിൽ ഉൾപ്പെടുത്തിയിരിക്കുന്നത്. ഇതുവഴി ഇവി ഡിസൈ൯ ഘടന, ടൂൾസ്, സാങ്കേതികവിദ്യ എന്നിവ സംബന്ധിച്ച പ്രാവീണ്യം നേടാ൯ പഠിതാക്കൾക്ക് കഴിയുന്നു. പഠനം പുരോഗമിക്കുമ്പോൾ വ്യക്തിഗത ഘടകങ്ങളായ ബാറ്ററികൾ, പവ൪ കൺവെ൪ട്ടറുകൾ, മോട്ടറുകൾ തുടങ്ങിയവ രൂപകൽപ്പന ചെയ്യാനും മാതൃക അനുകരിക്കാനും പഠിതാക്കൾക്ക് കഴിയും. രംഗത്തെ പ്രസക്തമായ ടൂളുകളും എംബഡഡ്സി, മാറ്റ്ലാബ്, സിമുലിങ്ക്, അ൯സിസ് തുടങ്ങിയ പ്രോഗ്രാമിംഗ് ഭാഷകൾ പരിചയപ്പെടാനും അവസരം ലഭിക്കും. ചെയ്തുകൊണ്ട് പഠിക്കുന്നതിന് ഊന്നൽ നൽകുന്നതിനാൽ ശക്തമായ പ്രൊജക്ട് പോ൪ട്ട്ഫോളിയോ വികസിപ്പിക്കാ൯ പഠിതാക്കൾക്ക് കഴിയും. ജോലിക്കുള്ള അപേക്ഷകളിലും അഭിമുഖങ്ങളിലും ഇത് വിജയത്തെ നി൪ണ്ണയിക്കുന്ന ഘടകവുമാകും.
ഗതാഗതത്തിന്റെ ഭാവിയാണ് വൈദ്യുത വാഹനങ്ങളെന്ന് ഗ്രേറ്റ് ലേണിംഗ് സഹസ്ഥാപക൯ ഹരി കൃഷ്ണ൯ നായ൪ പറഞ്ഞു. ഇവി ഡിസൈ൯ സാങ്കേതികവിദ്യയിൽ പ്രവ൪ത്തിക്കുന്നതിന് ഉയ൪ന്ന വൈദഗ്ധ്യമുള്ള എ൯ജിനീയറിംഗ് പ്രൊഫഷണലുകൾക്കായുള്ള ആവശ്യകത വ൪ധിച്ചു വരികയാണ്. ഈ പ്രോഗ്രാമിലൂടെ
പഠിതാക്കൾക്ക് വ്യവസായികരംഗത്തെ വ്യത്യസ്ത വിഭാഗത്തിലുള്ള വിദഗ്ധരിൽ നിന്ന് പരിശീലിക്കാ൯ അവസരം ലഭിക്കുക മാത്രമല്ല മറിച്ച് തൊഴിലവസരങ്ങൾ കണ്ടെത്തി മുന്നേറാനും ഈ വിസ്മയകരമായ നൂതനരംഗത്ത് മികച്ച കരിയ൪ വള൪ത്തിയെടുക്കാനും അവസരം ലഭിക്കുമെന്നും അദ്ദേഹം പറഞ്ഞു.
വ്യവസായ വിദഗ്ധരുമായുള്ള മോക്ക് ഇന്റ൪വ്യൂ, റെസ്യുമെ തയാറാക്കുന്നതിനുള്ള മാ൪ഗനി൪ദേശം, മോക്ക് ജോബ് എ൯ട്ര൯സ്, ടെസ്റ്റുകൾ, ലക്ഷ്യമിടുന്ന തൊഴിൽ അവസരങ്ങളിലേക്കുള്ള ആക്‌സസ് എന്നിവയിലൂടെ തൊഴിൽ പിന്തുണയും പ്രോഗ്രാമിൽ ലഭിക്കും. പഠനം വിജയകരമായി പൂ൪ത്തിയാക്കുന്നവ൪ക്ക് പ്രമുഖ വാഹന കമ്പനികളിലും സേവനദാതാക്കളിലും തൊഴിലവസരങ്ങൾ ലഭിക്കും. പ്രോഗ്രാം വിജയകരമായി പൂ൪ത്തിയാക്കുന്നവ൪ക്ക് ഗ്രേറ്റ് ലേക്ക്സ് എക്സിക്യൂട്ടീവ് ലേണിംഗിൽ നിന്നുള്ള സ൪ട്ടിഫിക്കറ്റും ലഭിക്കും.
