10 വര്‍ഷ ബോണ്ട് ആദായം മൂന്ന് മാസത്തെ ഉയര്‍ന്ന നിലയില്‍സേവന മേഖല വികാസം ആറ് മാസത്തെ താഴ്ന്ന നിലയില്‍ഇന്ത്യയിലേയ്ക്കുള്ള ക്രൂഡ് ഓയില്‍ ഇറക്കുമതിയിൽ റഷ്യ രണ്ടാമതെത്തിആഗോള സൂചികയില്‍ ഇടം നേടാനാകാതെ ഇന്ത്യന്‍ ബോണ്ടുകള്‍രാജ്യത്തിനുള്ളത് മതിയായ വിദേശ നാണ്യ കരുതല്‍ ശേഖരം – വിദഗ്ധര്‍

15 മില്യൺ ഡോളറിന്റെ മൂലധനം സമാഹരിച്ച് ഫിൻടെക് സ്റ്റാർട്ടപ്പ് ജോഡോ

ബാംഗ്ലൂർ: വിദ്യാഭ്യാസ പേയ്‌മെന്റുകളിൽ ശ്രദ്ധ കേന്ദ്രീകരിക്കുന്ന ഫിൻ‌ടെക് സ്റ്റാർട്ടപ്പായ ജോഡോ, ന്യൂയോർക്ക് ആസ്ഥാനമായുള്ള നിക്ഷേപ സ്ഥാപനമായ ടൈഗർ ഗ്ലോബലിന്റെ നേതൃത്വത്തിൽ പുതിയ ഫണ്ടിംഗ് റൗണ്ടിൽ 15 മില്യൺ ഡോളർ സമാഹരിച്ചു. നിലവിലെ നിക്ഷേപകരായ എലിവേഷൻ ക്യാപിറ്റലും മാട്രിക്സ് പാർട്ണേഴ്‌സ് ഇന്ത്യയും ഈ റൗണ്ടിൽ പങ്കാളികളായി.

തങ്ങളുടെ ഉൽപ്പന്ന നവീകരണവും വിൽപ്പനയും ത്വരിതപ്പെടുത്തുന്നതിനും അതുപോലെ നിയമനം വർദ്ധിപ്പിക്കുന്നതിനും ഫണ്ട് ഉപയോഗിക്കുമെന്ന് കമ്പനി അറിയിച്ചു. അതുല്യ ഭട്ട്, രാഘവ് നാഗരാജൻ, കൗസ്താവ് ഡേ എന്നിവർ ചേർന്ന് 2020-ൽ സ്ഥാപിച്ച ജോഡോ, വിദ്യാർത്ഥികളുടെ രക്ഷിതാക്കൾക്ക് സൗകര്യപ്രദവും താങ്ങാനാവുന്നതുമായ ഫീസ് പേയ്‌മെന്റുകൾ നടത്തുന്നതിന് പ്രത്യേക പേയ്‌മെന്റ്, ലെൻഡിംഗ് ഉൽപ്പന്നങ്ങളുടെ ഒരു നിര വാഗ്ദാനം ചെയ്യുന്നു.

കൂടാതെ വിദ്യാർത്ഥികൾക്കും അവരുടെ രക്ഷിതാക്കൾക്കും വിദ്യാഭ്യാസത്തിന് ധനസഹായം നൽകുന്നതിന് ജോഡോ നോൺ-ബാങ്കിംഗ് ഫിനാൻഷ്യൽ കമ്പനി (NBFC) പങ്കാളികൾ വഴി വായ്പാ ഉൽപ്പന്നങ്ങൾ നൽകുന്നു. ജോഡോ നിലവിൽ രാജ്യത്തെ 700-ലധികം വിദ്യാഭ്യാസ സ്ഥാപനങ്ങളുമായി പങ്കാളികളാണ്, അതിൽ 40 ശതമാനവും കിന്റർഗാർട്ടൻ മുതൽ ഗ്രേഡ് 12 (K-12) വിഭാഗത്തിലെ ഓഫ്‌ലൈൻ സ്കൂളുകളാണ്.

ഇതിനകം 100,000-ലധികം വിദ്യാർത്ഥികൾക്ക് സേവനം നൽകിയതായും, പ്ലാറ്റ്‌ഫോമിൽ 1,000 കോടി രൂപയുടെ ഫീസ് പേയ്‌മെന്റുകൾ പ്രോസസ്സ് ചെയ്തതായും കമ്പനി അവകാശപ്പെട്ടു. ഏറ്റവും പുതിയ ഫണ്ടിംഗ് ഉപയോഗിച്ച്, അടുത്ത 18 മാസത്തിനുള്ളിൽ സ്കൂളുകൾ, കോളേജുകൾ, ഓഫ്‌ലൈൻ കോച്ചിംഗ് സെന്ററുകൾ എന്നിവയുൾപ്പെടെ 5,000 സ്ഥാപനങ്ങളിലേക്ക് വിദ്യാഭ്യാസ പങ്കാളിത്തം വർദ്ധിപ്പിക്കാനും 1.5 ദശലക്ഷം വിദ്യാർത്ഥികളെ അവരുടെ ഫീസ് പേയ്മെന്റിൽ സഹായിക്കാനും ജോഡോ പദ്ധതിയിടുന്നു.

X
Top