ഡിജിറ്റല്‍ രൂപ വിപ്ലവകരമെന്ന് എസ്ബിഐ ചെയര്‍മാന്‍അര്‍ബന്‍ കോ-ഓപ്പറേറ്റീവ് ബാങ്കുകള്‍ക്കായി നാല് തല നിയന്ത്രണ ചട്ടക്കൂട് പ്രഖ്യാപിച്ച് ആര്‍ബിഐനിരക്ക് വര്‍ധന: തോത് കുറയ്ക്കണമെന്ന ആവശ്യവുമായി അസോചംസംസ്ഥാനങ്ങളുടെ കടമെടുപ്പ് ശേഷി പരിമിതപ്പെടുത്താന്‍ കേന്ദ്രംജിഎസ്ടി വരുമാനം 1.45 ലക്ഷം കോടി രൂപ

മാറ്റമില്ലാതെ ബെഞ്ച്മാര്‍ക്ക് സൂചികകള്‍

മുംബൈ: ആഴ്ചാവസാനത്തില്‍ ബെഞ്ച്മാര്‍ക്ക് സൂചികകള്‍ നേരിയ തോതില്‍ ഉയര്‍ന്നു. സെന്‍സെക്‌സ് 20.96 പോയിന്റ് അഥവാ 0.03 ശതമാനം ഉയര്‍ന്ന് 62293.64 ലെവലിലും നിഫ്റ്റി 28.70 പോയിന്റ് അഥവാ 0.16 ശതമാനം ഉയര്‍ന്ന് 18512.80 ലെവലിലും ക്ലോസ് ചെയ്യുകയായിരുന്നു. മൊത്തം 2029 ഓഹരികളാണ് മുന്നേറിയത്.

1361 ഓഹരികള്‍ തിരിച്ചടി നേരിട്ടപ്പോള്‍ 126 ഓഹരിവിലകളില്‍ മാറ്റമില്ല. എച്ച്ഡിഎഫ്‌സി ലൈഫ്, ടാറ്റ മോട്ടോഴ്‌സ്, ഹീറോ മോട്ടോകോര്‍പ്പ്, റിലയന്‍സ് സെക്യൂരിറ്റീസ്, കോള്‍ ഇന്ത്യ എന്നിവയാണ് നേട്ടത്തിലുള്ള ഓഹരികള്‍. ഐസിഐസിഐ ബാങ്ക്, നെസ്ലെ, കോടക് മഹീന്ദ്ര ബാങ്ക്, ടൈറ്റന്‍, അപ്പോളോ ഹോസ്പിറ്റല്‍സ് എന്നിവ നഷ്ടം വരിക്കുന്നു.

റിയാലിറ്റി സൂചിക 1 ശതമാനം ഉയര്‍ന്നപ്പോള്‍ വാഹനം, ലോഹം, ഫാര്‍മ എന്നിവ അര ശതമാനം വീതം നേട്ടമുണ്ടാക്കി. ബിഎസ്ഇ മിഡക്യാപ്പ്, സ്‌മോള്‍ക്യാപ്പ് സൂചികകള്‍ അരശതമാനം ഉയര്‍ച്ചയാണ് കൈവരിച്ചത്.

ആഗോളവിപണികളുടെ സമ്മിശ്ര പ്രകടനവും എണ്ണവിലയിലെ ഉണര്‍വും കാരണമാണ് വിപണി ചാഞ്ചാട്ടത്തിലായത്. വിദേശ നിക്ഷേപകര്‍ അറ്റ വാങ്ങല്‍കാരായത്, അതേസമയം പ്രതീക്ഷയുണര്‍ത്തുന്ന കാര്യമാണ്. അടിസ്ഥാന ഉത്തേജകങ്ങളുടെ അഭാവമാണ് മുന്നേറ്റം തടഞ്ഞത്, ജിയോജിത്ത് ഫിനാന്‍ഷ്യല്‍ സര്‍വീസസ് റിസര്‍ച്ച് തലവന്‍ വിനോദ് നായര്‍ നിരീക്ഷിക്കുന്നു.

ചൈനയിലെ കോവിഡ് നിയന്ത്രണങ്ങള്‍ ആഗോള വളര്‍ച്ചയെ ബാധിക്കുന്നതായായും വിനോദ് നായര്‍ പറഞ്ഞു.

X
Top