ന്യൂഡല്ഹി: ആശിഷ് കച്ചോലിയ പോര്ട്ട്ഫോളിയോ ഓഹരിയായ ഇന്ഫ്ളെയിം അപ്ലയന്സസ് ബുധനാഴ്ച 7 ശതമാനത്തിലധികം ഉയര്ന്നു. ഹിന്ഡ് വെയര് അപ്ലയന്സിനായി 45,000 അടുക്കള ഉപകരണങ്ങള് നിര്മ്മിക്കാനുള്ള കാരാര് ഈയിടെ കമ്പനിയെ തേടിയെത്തിയിരുന്നു. തുടര്ന്നാണ് ഓഹരി നേട്ടമുണ്ടാക്കിയത്.
കഴിഞ്ഞ ഒരുവര്ഷത്തില് 142 ശതമാനത്തിന്റെ മള്ട്ടിബാഗര് നേട്ടമുണ്ടാക്കിയ ഓഹരി കൂടിയാണ് ഇത്. നിലവില് 480 രൂപ വിലയുള്ള ഓഹരി ഏപ്പോള് വേണമെങ്കിലും ബ്രേക്ക്ഔട്ട് തുടങ്ങാമെന്ന് ദലാല് സ്ട്രീറ്റ് ഇന്വെസ്റ്റ്മെന്റ് ജേര്ണല് റിപ്പോര്ട്ട് ചെയ്യുന്നു. ചാര്ട്ടില് 34 ആഴ്ച കപ്പ് പാറ്റേണ് ബ്രേക്ക്ഔട്ട് ലെവലായ 500 നടുത്താണ് ഓഹരി എന്നതാണ് കാരണം.
ഹ്രസ്വകാലത്തില് ഓഹരി 850 രൂപവരെ കുതിപ്പു തുടരുമെന്നും റിപ്പോര്ട്ട് പറഞ്ഞു. ജൂണിലവസാനിച്ച പാദത്തില് ആശിഷ് കച്ചോലിയ കമ്പനിയിലെ തന്റെ പങ്കാളിത്തം ഉയര്ത്തിയിരുന്നു.
