Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

എയര്‍ടെല്‍ വരിക്കാര്‍ക്ക് ഇനി മുതല്‍ ആപ്പിള്‍ ടിവി+, ആപ്പിള്‍ മ്യൂസിക് എന്നിവ ലഭിക്കും

തിരുവനന്തപുരം: ഇനി മുതല്‍ എയര്‍ടെല്‍ ഹോം വൈ-ഫൈ, പോസ്റ്റ്‌പെയ്ഡ് വരിക്കാര്‍ക്ക് ആപ്പിള്‍ ടിവി+ സ്ട്രീമിംഗ് സേവനങ്ങളും ആപ്പിള്‍ മ്യൂസിക്കും ലഭിക്കും.

ഇത് സംബന്ധിച്ച് ഭാരതി എയര്‍ടെല്ലും ആപ്പിളും കരാറിലെത്തി. ഭാരതി എയര്‍ടെല്ലിന്‍റെ ഹോം വൈ-ഫൈ ഉപഭോക്താക്കള്‍ക്ക് 999 രൂപ മുതലുള്ള പ്ലാനുകളില്‍ ആപ്പിള്‍ ടിവി+ ലഭിക്കും. യാത്ര ചെയ്യുന്ന സമയം ഒന്നിലധികം ഉപകരണങ്ങളില്‍ സ്ട്രീം ചെയ്യാൻ സാധിക്കും.

പോസ്റ്റ്പെയ്ഡ് ഉപഭോക്താക്കള്‍ക്കും 999 രൂപ മുതലുള്ള പ്ലാനുകളില്‍ ആപ്പിള്‍ ടിവി+ ലഭിക്കും. കൂടാതെ ആറ് മാസത്തേക്ക് ആപ്പിള്‍ മ്യൂസിക് സൗജന്യമായി ആസ്വദിക്കാം.

ഇതുവഴി എയര്‍ടെല്‍ ഉപഭോക്താക്കള്‍ക്ക് ഡ്രാമ, കോമഡി പരമ്പരകള്‍, ഫീച്ചര്‍ ഫിലിമുകള്‍, ഡോക്യുമെന്‍ററികള്‍, വിനോദ പരിപാടികള്‍ എന്നിവ എക്‌സ്‌ക്ലൂസീവായി ലഭിക്കും.

കൂടാതെ, ഇംഗ്ലീഷ്, ഹിന്ദി തുടങ്ങി ഒന്നിലധികം ഭാഷകളിലുള്ള ആപ്പിള്‍ മ്യൂസിക്ക് ലൈബ്രറിയും ഉപയോഗിക്കാം.

X
Top