കൊച്ചി: മുന്നിര ഇലക്ട്രിക്കല്, ഇലക്ട്രോണിക്സ് ഉപകരണ നിര്മാതാക്കളായ വി ഗാര്ഡ് ഇന്ഡസ്ട്രീസ് ലിമിറ്റഡ് 2025-26 സാമ്പത്തികവര്ഷം അവസാന പാദത്തില് 1755.27 കോടി രൂപ മൊത്തം വരുമാനം നേടി. മുന്വര്ഷം ഇതേ പാദത്തിലെ 1538.08 കോടി രൂപയില്നിന്ന് 14.1 ശതമാനമാണു വര്ധന.
മുൻവർഷം ഇതേ പാദത്തിൽ 91.13 കോടി രൂപയായിരുന്ന അറ്റാദായം ഇത്തവണ 23ശതമാനം വർധിച്ച് 112.13 കോടി രൂപയിലെത്തിയെന്ന് വി ഗാര്ഡ് ഇന്ഡസ്ട്രീസ് ലിമിറ്റഡ് മാനേജിംഗ് ഡയറക്ടര് മിഥുന് കെ. ചിറ്റിലപ്പിള്ളി പറഞ്ഞു.
മാര്ച്ച് 31ന് അവസാനിച്ച 2025-2026 സാമ്പത്തികവർഷത്തിൽ കമ്പനി ആകെ 5965.78 കോടി രൂപയുടെ വരുമാനം നേടി. മുന്വര്ഷത്തെ 5577.82 കോടി രൂപയില്നിന്നും ഏഴു ശതമാനം വര്ധനയാണു രേഖപ്പെടുത്തിയത്.
2026 മാര്ച്ച് 31ന് അവസാനിച്ച സാമ്പത്തിക വര്ഷത്തില് കമ്പനിയുടെ അറ്റാദായം 308.33 കോടി രൂപയാണ്. മുന്വര്ഷം കമ്പനിയുടെ അറ്റാദായം 313.72 കോടി രൂപയായിരുന്നു.
