Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

ഈ നാണയങ്ങള്‍ പ്രചാരത്തില്‍നിന്ന് പിന്‍വലിക്കുന്നു

ചെമ്പും നിക്കലും ചേര്ത്ത് നിര്മിച്ച ഒരു രൂപയുടെയോ 50 പൈസയുടെയോ നാണയങ്ങള് കൈവശമുണ്ടോ? നിയമപരമായി പിന്വലിച്ചിട്ടില്ലെങ്കിലും ഈ നാണയങ്ങളുടെ വിതരണം നിര്ത്താന് റിസര്വ് ബാങ്ക് നിര്ദേശം നല്കിയതായി റിപ്പോര്ട്ട്.

ബാങ്കിലെത്തിയാല് ഈ നാണയങ്ങള് പുറത്തേയ്ക്ക് വിടാതെ ആര്ബിഐയ്ക്ക് കൈമാറുകയാണ് ഇനി ചെയ്യുക.

1990കളിലും 2000ത്തിന്റെ തുടക്കത്തിലും ഉപയോഗിച്ചിരുന്ന ഈ നാണയങ്ങള് തിരിച്ചെടുക്കുന്നതിന്റെ ഭാഗമായാണ് തീരുമാനം. അതേസമയം, നാണയങ്ങളുടെ ഇടപാട് അസാധുവാക്കിയിട്ടുമില്ല.

പ്രചാരത്തില് നിന്ന് പിന്വലിക്കുകയാണെങ്കിലും ഇടപാടുകള്ക്ക് ഉപയോഗിക്കുന്നതിന് തടസ്സമില്ലെന്ന് അറിയിച്ചിട്ടുണ്ട്. ബാങ്കിലെത്തിയാല് ഇടപാടുകള്ക്കായി വീണ്ടും അവ ഉപയോഗിക്കില്ല. പുതിയതായി രൂപകല്പന ചെയ്ത നാണയങ്ങളാകും പകരം നല്കുക.

കുപ്രോ നിക്കല് (ചെമ്പും നിക്കലും), അലുമിനിയം എന്നിവയില് നിര്മിച്ച ഒരു രൂപവരെ മൂല്യമുള്ള നാണയങ്ങള് ഇടപാടുകള്ക്കായി തിരികെ നല്കേണ്ടെന്ന് 2004ല് ആര്ബിഐ പുറപ്പെടുവിച്ച സര്ക്കുലറില് ബാങ്കുകളോട് ആവശ്യപ്പെട്ടിരുന്നു.

25 പൈസയുടെയും അതിന് താഴെയുമുള്ള നാണയങ്ങള് നേരത്തെതന്നെ സര്ക്കാര് പിന്വലിച്ചിരുന്നു. പണമിടപാടുകള്ക്ക് നിലവില് ഈ നാണയങ്ങള് ഉപയോഗിക്കുന്നില്ല.

X
Top