Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

SML ISUZU ഇനി മഹീന്ദ്രയ്ക്ക് സ്വന്തം; ഏറ്റെടുക്കൽ 555 കോടി രൂപയ്ക്ക്

മുംബൈ: എസ്‌എംഎല്‍ ഇസൂസു ഇനി മഹീന്ദ്രയ്ക്കു സ്വന്തം. 555 കോടി രൂപയ്ക്ക് കമ്പനിയുടെ 58.96 ശതമാനം ഓഹരികള്‍ മഹീന്ദ്ര ഗ്രൂപ്പ് ഏറ്റെടുത്തു. ഏറ്റെടുക്കലിന് അനുമതി പൂർത്തിയാകുന്ന മുറയ്ക്ക് എസ്‌എംഎല്‍ ഇസൂസുവിന്റെ പേര് എസ്‌എംഎല്‍ മഹീന്ദ്ര ലിമിറ്റഡ് എന്നുമാറ്റുമെന്നും കമ്പനി അറിയിച്ചു.

2025 ഏപ്രിലില്‍ എസ്‌എംഎല്‍ ഇസൂസുവില്‍ ഓഹരി ഏറ്റെടുക്കുന്നതിന് മഹീന്ദ്ര ധാരണയായിരുന്നു. ഓഹരിയൊന്നിന് 650 രൂപ നിരക്കിലാണ് ഏറ്റെടുക്കല്‍. ധാരണപ്രകാരം കമ്പനിയില്‍ ജപ്പാനിലെ സുമിടോമോ കോർപ്പറേഷനുള്ള 43.96 ശതമാനം ഓഹരികളും മഹീന്ദ്ര വാങ്ങി.

കൂടാതെ ഇസൂസുവിനുള്ള 15 ശതമാനം ഓഹരികളും ഏറ്റെടുത്തു. സെബി ചട്ടപ്രകാരം വിപണിയില്‍നിന്ന് 26 ശതമാനം ഓഹരികള്‍ വാങ്ങുന്നതിന് ഓപ്പണ്‍ ഓഫറുമുണ്ടാകും. 3.5 ടണ്‍ ശേഷിയുള്ള വാണിജ്യ വാഹന വിഭാഗത്തില്‍ സാന്നിധ്യം ശക്തമാക്കാൻ ലക്ഷ്യമിട്ടാണ് ഏറ്റെടുക്കല്‍. വിനോദ് സഹായിയെ കമ്ബനിയുടെ ചെയർമാനായും ഡോ. വെങ്കട് ശ്രീനിവാസിനെ സിഇഒ യുമായും നിയമിച്ചിട്ടുണ്ട്.

X
Top