മുംബൈ: വ്യാജ ടെലഗ്രാം ചാനല് വഴി വ്യാപാരനിര്ദ്ദേശം നല്കിയ ആറ് പേര്ക്കെതിരെ സെബി (സെക്യൂരിറ്റീസ് എക്സ്ചേഞ്ച് ഓഫ് ഇന്ത്യ) നടപടി. സെക്യൂരിറ്റി മാര്ക്കറ്റില് നിന്നും ഇവരെ വിലക്കുകയായിരുന്നു. കൂടാതെ 3 പേര് 5.68 കോടി രൂപയും മറ്റുള്ളവര് 5 ലക്ഷം രൂപയും പിഴ നല്കണം.
ഹിമാന്ഷു മഹേന്ദ്രഭായ് പട്ടേല്, രാജ് മഹേന്ദ്രഭായ് പട്ടേല്, ജയദേവ് സാല, മഹേന്ദ്രഭായ് ബെച്ചാര്ദാസ് പട്ടേല്, കോകിലാബെന് മഹേന്ദ്രഭായ് പട്ടേല്, അവനിബെന് കിരണ്കുമാര് പട്ടേല് എന്നിവര്ക്കെതിരെയാണ് സെബി നടപടിയെടുത്തിരിക്കുന്നത്. 2021-22 ലാണ് മാര്ക്കറ്റ് റെഗുലേറ്റര് ഇക്കാര്യത്തില് അന്വേഷണം ആരംഭിക്കുന്നത്.
തുടര്ന്ന അനധികൃതമായി സമ്പാദിച്ച 2,84,29,948 രൂപ എസ്ക്രോ അക്കൗണ്ടില് നിക്ഷേപിക്കാന് നോട്ടീസ് നല്കി. ഉത്തരവിനോട് ഭാഗികമായി യോജിച്ച കുറ്റാരോപിതര് 98.8 ലക്ഷം രൂപ എസ്ക്രോ അക്കൗണ്ടില് നിക്ഷേപിച്ചു.
